مسلم ریسکیو مشن اور اسلام آباد چیمبر کے اشتراک سے پروفیشنل ریسکیو اینڈ سیفٹی ورکشاپ

اسلام آباد (نمائندہ خصوصی)چیمبر آف کامرس اینڈ انڈسٹری کے مقامی ہال میں شعبہ خدمتِ خلق پاکستان (KKP)کے مسلم ریسکیو مشن کے زیرِ اہتمام اور اسلام آباد چیمبر آف کامرس اینڈ انڈسٹری کے تعاون سے ایک روزہ پروفیشنل ریسکیو اینڈ سیفٹی ورکشاپ کا انعقاد کیا گیا۔ورکشاپ میں مسلم ریسکیو مشن کے انسٹرکٹرز، ریسکیو 1122، ٹریفک پولیس اور سی ڈی اے فائر بریگیڈ سمیت مختلف اداروں کے ماہرین نے شرکت کی اور شرکا کو ہنگامی حالات سے نمٹنے کے حوالے سے عملی تربیت فراہم کی۔ورکشاپ کے دوران شرکا کو ٹریفک سیفٹی، فائر سیفٹی، ڈیزاسٹر مینجمنٹ، فرسٹ ایڈ اور سی پی آر سمیت مختلف اہم شعبوں میں عملی مشقیں کروائی گئیں۔ ماہرین نے ہنگامی صورتحال میں فوری اور مثر اقدامات، متاثرین کو محفوظ مقامات پر منتقل کرنے، آگ سے بچا اور انسانی جانیں بچانے کے لیے ضروری حفاظتی اقدامات سے بھی آگاہ کیا۔اس موقع پر شعبہ خدمتِ خلق پاکستان، مسلم ریسکیو مشن کی جانب سے مختلف ریسکیو آلات اور حفاظتی سامان کی نمائش بھی کی گئی۔ مسلم ریسکیو مشن کے انسٹرکٹر ابرار وحید نے صدر اسلام آباد چیمبر آف کامرس سردار طاہر محمود اور ورکشاپ کے شرکا کو ریسکیو سامان کا تعارف کروایا اور مختلف آلات کے درست اور بروقت استعمال کا عملی طریقہ بھی بتایا۔موٹیویشنل اسپیکر احسان اللہ منصور نے اسلام میں انسانی جان کے تحفظ اور حفاظتی تدابیر کی اہمیت پر خصوصی لیکچر دیا۔ انہوں نے کہا کہ احتیاطی تدابیر اختیار کرنا اور مشکل حالات میں دوسروں کی جان بچانے کے لیے تیار رہنا معاشرے کی اجتماعی ذمہ داری ہے۔چیئرمین شعبہ خدمتِ خلق پاکستان چوہدری شفیق الرحمن وڑائچ نے کہا کہ ملک بھر کے چیمبرز آف کامرس میں بزنس کمیونٹی کے لیے پروفیشنل ریسکیو اینڈ سیفٹی تربیتی ورکشاپس کا انعقاد کیا جا رہا ہے۔ مسلم ریسکیو مشن کا مقصد شہریوں کو ہنگامی حالات سے نمٹنے کے لیے بنیادی اور عملی تربیت فراہم کرنا ہے۔انہوں نے کہا کہ اسلام آباد سمیت ملک کے 25 اضلاع میں جدید ریسکیو سینٹرز کے قیام کا ہدف مقرر کیا گیا ہے، جہاں کسی بھی ہنگامی صورتحال میں بروقت ریسکیو اور امدادی سرگرمیوں کے ساتھ ساتھ شہریوں کو فرسٹ رسپونڈر پروگرام کے تحت تربیت فراہم کی جائے گی، تاکہ حادثات اور آفات کی صورت میں پیشہ ورانہ ریسکیو ٹیموں کے پہنچنے سے پہلے شہری ابتدائی اقدامات کرتے ہوئے قیمتی انسانی جانیں بچا سکیں۔اس موقع پر جنرل سیکرٹری پاکستان مرکزی مسلم لیگ یاسر عرفات بٹ سمیت دیگر ذمہ داران، بزنس کمیونٹی اور ورکشاپ کے شرکا بھی موجود تھے۔