5G جازکی انکلوژن راکس میں معاونت، خصوصی افراد کے ٹیلنٹ کو خراج تحسین

اسلام آباد(نامہ نگار خصوصی )جاز ورلڈ کے زیرِ سایہ پاکستان کی معروف کنیکٹیویٹی فراہم کرنے والی کمپنی جاز 5G نے انکلوژن راکس کے ساتھ تعاون کیا، جس کے تحت اسپیشل اولمپکس پاکستان سے وابستہ بچوں کے لیے کراچی، اسلام آباد اور لاہور میں تین تقریبات کا انعقاد کیا گیا۔ ان تقریبات میں لائیو موسیقی، حوصلہ افزا داستانیں اور خصوصی افراد کی صلاحیتوں اور کامیابیوں کو سراہنے کے ساتھ ان کی ہمت اور ثابت قدمی کو بھی اجاگر کیا گیا۔انکلوژن راکس کے تحت کراچی، اسلام آباد اور لاہور میں تقریبات منعقد ہوئیں، جہاں بالترتیب 29 اگست، 5 ستمبر اور 12 ستمبر کو میوزک کنسرٹس ہوئے۔ سلسلے کی آخری تقریب لاہور میں منعقد ہوئی۔ تقریبات میں تمام افراد کی شرکت آسان بنانے کے لیے مختلف انتظامات کیے گئے، جن میں اشارتی زبان میں ترجمانی بھی شامل تھی۔جاز جی ایس ایم کے صدر کاظم مجتبی نے کہا، انکلوژن راکس میں ہماری شراکت کا مقصد ٹیلنٹ، ہمت اور ہر فرد کی معاشرے میں اپنا کردار ادا کرنے کی صلاحیت کو اجاگر کرنا ہے۔ خصوصی افراد کو اب بھی ایسی رکاوٹوں کا سامنا ہے جو معاشرے میں ان کی شرکت اور مواقع کو محدود کرتی ہیں۔ ایسی سرگرمیاں ان رکاوٹوں کو دور کرنے، خصوصی افراد کی کامیابیوں کو نمایاں کرنے اور ایک زیادہ جامع معاشرے کے قیام کی حوصلہ افزائی کرتی ہیں۔موسیقی اور تفریح کے ذریعے سب کو ساتھ لے کر چلنے کا پیغام دینے والی ان تقریبات میں ٹیلنٹ، عزم اور صلاحیتوں اور مواقع سے جڑی داستانوں کو نمایاں کیا گیا۔ معروف موسیقار فیصل کپاڈیا اور مرتضی قزلباش کی لائیو پرفارمنسز نے بھی تقریبات کو مزید پرجوش بنا دیا۔ موسیقی کے ذریعے لوگوں کو ایک دوسرے کے قریب لانے کے ساتھ ساتھ مختلف صلاحیتوں اور مساوی شرکت کو بھی اجاگر کیا گیا۔انکلوژن راکس کے ساتھ جاز5G کی شراکت اس عزم کی عکاسی کرتی ہے کہ کنیکٹیویٹی کے فوائد معاشرے کے مختلف طبقات تک پہنچائے جائیں۔ ٹیکنالوجی لوگوں کے سیکھنے، کام کرنے، رابطے اور معاشرے میں شرکت کے طریقوں کو تیزی سے تبدیل کر رہی ہے۔ ایسے میں جاز فائیو جی کنیکٹیویٹی کی طاقت کو بروئے کار لاتے ہوئے زیادہ قابلِ رسائی اور جامع ڈیجیٹل مستقبل کے قیام میں اپنا کردار ادا کرنے کے لیے کوشاں ہے