پوٹھوہار پریس کلب گوجرخان کے انتخابات،میدان سج ،3رکنی الیکشن بورڈ تشکیل

گوجرخان(بیورو رپورٹ)پوٹھوہار پریس کلب گوجرخان کے سال 2026-27 کے انتخابات کا میدان سج گیا، جس کے لیے تین رکنی الیکشن بورڈ تشکیل دے دیا گیا ہے۔ایم کلیم اللہ بھٹی ایڈووکیٹ کو چیئرمین الیکشن بورڈ جبکہ محمد خورشید اور ثاقب بشیر کو ممبران الیکشن بورڈ نامزد کیا گیا ہے۔ جرنلسٹس پینل کی جانب سے پریس کلب کی تمام 17 نشستوں پر امیدوار میدان میں اتارے جائیں گے، جبکہ خان لیاقت پینل کی انتخابی سرگرمیوں پر سیاسی، سماجی، صحافتی شخصیات، سول سوسائٹی اور شہریوں کی گہری نظریں مرکوز ہیں۔اس موقع پر خان لیاقت علی نے کہا کہ ان شا اللہ جرنلسٹس پینل انتخابات میں تاریخی کامیابی حاصل کرے گا۔ انہوں نے کہا کہ جرنلسٹس پینل نے ہمیشہ صحافیوں کی فلاح و بہبود اور ان کے مسائل کے حل کے لیے بھرپور خدمات انجام دی ہیں اور آئندہ بھی صحافتی برادری کی بہتری کے لیے اپنی جدوجہد جاری رکھے گا۔انتخابات کے اعلان کے بعد پوٹھوہار پریس کلب گوجرخان کی صحافتی برادری میں سیاسی و انتخابی سرگرمیوں میں تیزی آگئی ہے، جبکہ دونوں جانب سے رابطوں اور مشاورت کا سلسلہ بھی جاری ہے۔