چاند پر 2 فٹ بال میدانوں جتنا بڑا گڑھا دریافت

نیویارک (آئی این پی)سائنسدان نے چاند پر بننے والا سب سے بڑا گڑھا دریافت کر لیا۔ غیر ملکی میڈیا رپورٹس کے مطابق ناسا کے سائنسدان رابرٹ ویگنر نے چاند کے نقشے کی معمول کی جانچ کے دوران ایک ایسی چیز دریافت کی جس پر پہلے کبھیکسی کا دھیان نہیں گیا۔ ناسا کے مطابق اپنے کمپیوٹر سکرین پر ڈیٹا کا مطالعہ کرتے ہوئے ویگنر نے ایک غیر معمولی طور پر بڑا روشن مقام دیکھا جس کے چاروں طرف ایک تاریک ہالہ تھا، اس مطالعے سے معلوم ہوتا ہے کہ اس علاقے میں چاند کی سطح پر خلل پڑا ہے۔چاند کی سطح پر تبدیلی سے پہلے اور بعد کی لی گئی تصاویر کا مطالعہ کرتے ہوئے سائنسدان رابرٹ ویگنر نے اسے نظام شمسی میں اب تک کا سب سے بڑا نیا گڑھا قرار دیا ہے۔رپورٹس کے مطابق یہ گڑھا 11 اپریل اور 22 مئی 2024 کے درمیان چاند کے مشرقی کنارے پر بنا تھا اور اس کا نام McGetchin رکھا گیا ہے جو کہ ایک سائنسدان کا نام ہے۔