کروڑوں کی خورد برد کا الزام’ ڈپٹی رجسٹرار ملتان بنچ کو عہدے سے ہٹانے کا نوٹیفکیشن جاری

لاہور (آئی این پی) ڈپٹی رجسٹرار شیخ ظہور احمد کو کسٹمز افسر ظاہر کرنے پر عہدے سے ہٹانے کا  نوٹیفکیشن جاری کر دیا گیا’ نوٹیفکیشن کے مطابق شیخ ظہور احمد پر کروڑوں روپے کی مبینہ خوردبرد کا بھی الزام ہے۔ چیف جسٹس لاہور ہائیکورٹ جسٹس عالیہ نیلم کے حکم پر شیخ ظہور احمد کو او ایس ڈی بنا دیا گیا، وہ ملتان بنچ میں فرائض سر انجام دے رہے تھے۔ درخواست میں موقف اختیار کیا گیا کہ شیخ ظہور احمد نے اپنا تعارف ڈی جی کسٹمز پاکستان کے طور پر کروایا اور گاڑیوں کی کسٹمز کلیئرنس کے لیے7 کروڑ55 لاکھ روپے طلب کیے۔ درخواست گزار نے موقف اختیار کیا کہ7 کروڑ55 لاکھ روپے وصول کرنے کے بعد شیخ ظہور احمد نے رابطہ ختم کردیا۔