امریکی یونیورسٹی نے مولانا طارق جمیل کو پی ایچ ڈی ڈگری دے دی

لاہور(ویب ڈیسک)مولانا طارق جمیل کو امریکی انٹرنیشنل تھی ازم یونیورسٹی فلوریڈا کی جانب سے اعزازی پی ایچ ڈی
ڈگری دی گئی۔مولانا طارق جمیل کو امریکی انٹرنیشنل تھی ازم یونیورسٹی فلوریڈا کی جانب سے اعزازی پی ایچ ڈی ڈگری دینے کی تقریب ہوئی، جس سے مولانا طارق جمیل نے خطاب کیا۔مولانا طارق جمیل نے کہا کہ اعزازی ڈگری کے لیے منتخب ہونا میرے لیے اعزاز ہے، اس نے مجھے خوشی اور سعادت سے بھر دیا ہے۔مولانا طارق جمیل نے کہا کہ میرے والد مجھے ڈاکٹر بنانا چاہتے تھے، 11 سال کی عمر میں سنٹرل ماڈل اسکول میں داخل ہوا۔ میرے والد پڑھے لکھے شخص تھے اور قائداعظم کے ملتان کے دورے پر وہ اسٹیج سیکریٹری تھے۔ میں پرائمری اسکول سے شوق کی وجہ سے گانے لگ گیا تھا، مگر ہوتا وہی ہے جو اللہ کو منظور ہوتا ہے۔ جب دیگر طلبا کتابیں پڑھتے تھے تو میں فلمی رسالے پڑھتا تھا۔