ICT ایوارڈزمیں دو گولڈ،3 میرٹ ایوارڈز جیتےجاز ورلڈ کے ٹیکنوسس نے پاشا

اسلام آباد(نامہ نگار خصوصی )جاز ورلڈ کے سافٹ ویئر انٹیلیجنس شعبے، ٹیکنوسس نے پاشا آئی سی ٹی ایوارڈز 2026 میں دو گولڈ اور تین میرٹ ایوارڈز حاصل کر لیے ہیں۔ ۔فکر فری نے بینکنگ، انشورنس اور فنانس کے شعبے میں گولڈ ایوارڈ حاصل کیا، جبکہ راکس کو میڈیا اینڈ انٹرٹینمنٹ/گیم آف دی ایئر کے زمرے میں گولڈ ایوارڈ دیا گیا۔ اس کے  علاوہ میریڈیئن، وسپر اور آن بورڈنگ بڈی نے بالترتیب بگ ڈیٹا اینالیٹکس، مارکیٹنگ سلوشنز اور پروفیشنل سروسز کے شعبوں میں میرٹ ایوارڈز حاصل کیے۔ان ایوارڈز کے لیے منتخب کیے گئے سلوشنز کاروباری اداروں اور صارفین کی مختلف ضروریات پوری کرتے ہیں۔ ان میں جغرافیائی اور مارکیٹ سے متعلق معلومات، آرٹیفیشل انٹیلجنس کی مدد سے برانڈز کا تجزیہ، ملازمین کی آن بورڈنگ، ڈیجیٹل انشورنس مینجمنٹ اور تفریح و طرزِ زندگی سے متعلق ڈیجیٹل خدمات شامل ہیں۔ یہ سلوشنز مختلف شعبوں میں سافٹ ویئر، مصنوعی ذہانت اور ڈیٹا ٹیکنالوجی کے استعمال کے لیے ٹیکنوسس کی کوششوں کی عکاسی کرتے ہیں۔جاز ورلڈ کے چیف ٹیکنالوجی آفیسر خالد شہزاد نے کہا، یہ ایوارڈز اس ٹیکنالوجی کا اعتراف ہیں جو مقامی سطح پر صارفین اور کاروباری اداروں کی حقیقی ضروریات پوری کرنے کے لیے تیار کی جا رہی ہے۔ چاہے بہتر فیصلوں کے لیے آرٹیفیشل انٹیلجنس اور ڈیٹا کا استعمال ہو یا روزمرہ کے تجربات کو آسان بنانے والے ڈیجیٹل پلیٹ فارمز کی تیاری، ہماری توجہ ٹیکنالوجی کے ذریعے بامعنی مسائل حل کرنے اور ‘بیٹر لائف فار آل’ کے مقصد کو آگے بڑھانے پر ہے۔ پاکستان سافٹ ویئر ہاسز ایسوسی ایشن (پاشا) کے زیرِ اہتمام آئی سی ٹی ایوارڈز 2026 میں 10 مرکزی اور 41 ذیلی و مشترکہ کیٹیگریز میں 1,380 سے زائد درخواستوں کا جائزہ لیا گیا۔ ایوارڈز کے لیے کراچی، اسلام آباد اور لاہور میں مختلف مراحل میں ججز نے انٹریز کا جائزہ لیا۔ان ایوارڈز کے ذریعے پاکستان بھر کی ٹیکنالوجی کمپنیوں، اسٹارٹ اپس اور جدت کاروں کو تسلیم کیا جاتا ہے۔ ایوارڈز کے اہل منتخب اداروں کو ایشیا پیسیفک آئی سی ٹی الائنس (ایپکٹا) ایوارڈز میں پاکستان کی نمائندگی کا موقع بھی ملتا ہے۔جاز ورلڈ کے اندر ٹیکنوسس سافٹ ویئر انجینئرنگ، آرٹیفیشل انٹیلجنس ، ڈیٹا اور ڈیجیٹل پلیٹ فارم سے متعلق صلاحیتوں کو یکجا کرتا ہے تاکہ کاروباری اداروں اور صارفین دونوں کے لیے ٹیکنالوجی پر مبنی سلوشن تیار کیے جا سکیں۔ اس کا مقصد ان صلاحیتوں کو ایسے عملی ڈیجیٹل سلوشنز میں تبدیل کرنا ہے جنہیں جاز ورلڈ کے مختلف پلیٹ فارمز پر استعمال کیا جا سکے اور جو مارکیٹ کی وسیع تر ضروریات پوری کرنے میں مدد دیں۔