این سی سی آئی اے پنجاب کی کارروائیاں، سائبر فراڈ میں ملوث 11ملزمان گرفتار

لاہور (کرائم رپورٹر) نیشنل سائبر کرائم انویسٹی ایجنسی (این سی سی آئی اے) پنجاب کی کارروائیوں کے دوران سائبر فراڈ میں ملوث 11 ملزمان کو گرفتار کرلیا گیا جن میں بینک افسر بن کر شہریوں کو لوٹنے والے 6 ملزمان بھی شامل ہیں۔ ترجمان این سی سی آئی اے کے مطابق غیر قانونی کال سینٹرز کے خلاف کریک ڈائون کے دوران اہم کامیابی حاصل ہوئی۔ سائبر کرائم ایجنسی نے 13 لیپ ٹاپ، 6 موبائل اور 6 کمپیوٹر برآمد کرلیے۔ گلبرگ اور برکت مارکیٹ میں غیرقانونی کال سینٹرز پر چھاپے مارے گئے، ملزمان کے قبضے سے اہم ڈیجیٹل ڈیٹا اور VOIP سافٹ ویئر برآمد کیا گیا۔ ڈائریکٹر این سی سی آئی اے پنجاب حسام بن اقبال کے مطابق بیرونی ممالک کے شہریوں کو کالز کرکے فراڈ کرنے والا نیٹ ورک بے نقاب ہوگیا۔