خصوصی بچوں کو مصنوعی ذہانت کی تعلیم متعارف کرانے کا فیصلہ

لاہور (جنرل رپورٹر)سپیشل بچوں کو جدید دور  کے تقاضوں سے ہم آہنگ کرنے کے لیے مصنوعی ذہانت کی تعلیم متعارف کرانے کا فیصلہ کرلیا گیا ہے۔سیکرٹری سپیشل ایجوکیشن شعیب اقبال کے مطابق خصوصی بچوں کو جدید تقاضوں کے مطابق تعلیم دینے پر خصوصی توجہ دی جا رہی ہے، جس کے لیے سپیشل ایجوکیشن کے اساتذہ کو مصنوعی ذہانت کی تعلیم دینے کے حوالے سے خصوصی تربیت فراہم کی جائے گی۔شعیب اقبال نے کہا کہ جدید ٹیکنالوجی کے ذریعے خصوصی بچوں کے لیے تعلیم کو مزید آسان اور مثر بنایا جائے گا، جبکہ ان کی تعلیمی ضروریات کو مدنظر رکھتے ہوئے جدید طریقہ ہائے تدریس متعارف کرائے جائیں گے۔