پی ٹی آئی احتجاج میں اشتعال انگیزی’مزید 2 افراد گرفتار

لاہور (کرائم رپورٹر) پی ٹی آئی احتجاج میں اشتعال انگیزی کے لیے مبینہ تیاری کے معاملے میں  بغاوت کے مقدمے کی تفتیش کے دوران مزید دو افراد کو گرفتار کر لیا گیا۔ پولیس کے مطابق ڈیفنس اے پولیس نے دونوں پی ٹی آئی کارکنان کو گرفتار کیا ہے۔ پولیس کا کہنا ہے کہ گرفتار دونوں کارکنان پی ٹی آئی ویلفیئر ونگ کی ایک خاتون عہدیدار سے رابطے میں تھے اور انہیں اسی رابطے کی تحقیقات کے سلسلے میں حراست میں لیا گیا ہے۔ پولیس کے مطابق ڈیفنس کے علاقے میں خاتون سمیت دو افراد کے خلاف بغاوت کا مقدمہ پہلے ہی درج ہے جبکہ گرفتار ملزمان سے مزید تفتیش جاری ہے۔