تحصیل ٹیکسلا میں نائب تحصیلدار تعینات نہ ہونے سے سائلین در بدر

ٹیکسلا(تحصیل رپورٹر)تحصیل ٹیکسلا کے 54 مواضعات کے لیے صرف ایک تحصیلدار جو کہ سب رجسٹرار کے فرائض بھی سر انجام دے رہے ہیں جبکہ باقی سرکاری فرائض بھی ان کے ذمے آخر کہاں کہاں پہنچیں تاریخی شہر ٹیکسلا جو کہ راولپنڈی اور آسلام آباد کے سنگم پر واقع ہے اور اس کی آبادی لاکھوں نفوس پر مشتمل ہے اور بات کی جائے محکمہ مال  کی تو تحصیل ٹیکسلا میں کل 54 مواضعات ہیں جنکے کے لیے تحصیل میں ایک تحصیلد ار اور دو نائب تحصیلدار تعینات کرنا ضروری ہیں جبکہ اس کے ساتھ دو گرداور بھی سائلین کے مسائل حل کرنے کے لیے تعینات ہوتے ہیں لیکن گزشتہ کچھ عرصہ سے نہ تو نائب تحصیلدار اور نہ ہی دوسرا گرداور تعینات ہے ایک تحصیلد ار اورایک گرداور لاکھوں کی آبادی پر مشتمل علاقہ کے لیے ناکافی ہیں تقریباً ایک سال پہلے نہ صرف دو نائب تحصیلدار اور دو گرداور یہاں پر ڈیوٹی سر انجام دے رہے تھے لیکن دونوں نائب تحصیلداران کے تبادلہ کے بعد یہاں پر نائب تحصیلدار کی تعیناتی نہ ہوسکی ہے بات کی جائے تحصیل دار ٹیکسلا سجاد علی بھٹی صاحب کی انکو یہاں تعینات ہوئے ایک ماہ سے بھی کم عرصہ ہوا ہے اور انکے پاس سب رجسٹرار ٹیکسلا کے اختیارات بھی ہیں لیکن محکمہ مال کے ساتھ سرکاری کاموں کا بوجھ بھی انکے کندھوں پر ہے جس میں مختلف عدالتوں میں پیشی کے ساتھ ساتھ مختلف اراضی کی نشاہدہی وغیرہ بھی شامل ہے ان کاموں کی تکمیل کے لیے تحصیل دار کی عدم موجودگی میں نہ تو رجسٹریشن کا کام ہوسکتا ہے اور نہ ہی دیگر اموار تکمیل تک پہنچ سکتے ہیں تحصیل دار کی عدم موجودگی میں نائب تحصیلدار کا ہونا بہت ضروری ہے تحصیل ٹیکسلا کا زیادہ حصہ دور دراز کے دیہاتوں پر مشتمل ہے اور افسران کی عدم موجودگی پر ان سائلین کو مایوس ہوکراپنے گھروں کو واپس جانا پڑتا ہے اہلیان ٹیکسلا نے وزیر اعلی پنجاب مریم نواز شریف ،وفاقی وزیر مملکت بریسٹر عقیل ملک ، ایم پی اے محسن ایوب خان ، کمشنر راولپنڈی، ڈپٹی کمشنر راولپنڈی سے مطالبہ کیا ہے کہ جلد از جلد تحصیل ٹیکسلا میں نائب تحصیلداران کی تعیناتی کی جائے تاکہعوام کے مسائل ترجیح بنیادوں پر حل کیا جاسکیں۔