اسرائیل جانیوالا طیارہ ہائی جیک کرنیکی کوشش متحدہ عرب امارات نے دہشتگردی قرار دیدیا

تل ابیب(مانیٹرنگ ڈیسک)دبئی سے تل ابیب جانے والی پرواز کو معاون پائلٹ نے ہائی جیک کرنے کی کوشش کی تھی جسے سینیئر پائلٹ کی بہادری اور عملے کی بروقت مداخلت سے ناکام بنادیا گیا تھا۔عالمی خبر رساں ادارے کے مطابق متحدہ عرب امارات کے ایک اعلی عہدیدار نے دبئی سے تل ابیب جانے والی فضائی کمپنی کی پرواز کو مبینہ طور پر تباہ کرنے کی کوشش کو پہلی بار کھلے الفاظ میں دہشت گردی کی کارروائی قرار دیا ہے۔متحدہ عرب امارات کے صدر کے سفارتی مشیر انور قرقاش نے سماجی رابطے کی ویب سائٹ پر اپنے بیان میں بھارتی پائلٹ سمت مچھر کی بہادری کو سراہا جس نے معاون پائلٹ کے چاقو حملے میں شدید زخمی ہونے کے باوجود جہاز کو گرنے سے بچایا۔فلائی دبی کے بھارتی نژاد پائلٹ کے سر سے خون بہہ رہا تھا لیکن انھوں نے طیارے کا کنٹرول حملہ آور معاون پائلٹ کے حوالے نہیں کیا اور شدید زخمی ہونے کے باوجود کاک پٹ کا دروازہ کھول دیا۔کاک پٹ کا دروازہ کھلتے ہی مسافر اور عملے کے ارکان داخل ہوگئے جنھوں نے حملہ آور معاون پائلٹ کو قابو کرلیا اور عملے میں شامل دیگر دو پائلٹس نے طیارے کو ہنگامی طور پر بحفاظت سعودی عرب کے تبوک ایئرپورٹ پر اتارا۔