لاڑکانہ، جیکب آباد روڈ پر فائرنگ،باپ اور تین بیٹوں سمیت 5افراد جاں بحق

لاڑکانہ (این این آئی) لاڑکانہ کے علاقے رتو ڈیرو کے جیکب آباد روڈ پر فائرنگ سے 5 افراد  جاں بحق ہوگئے۔ پولیس کے مطابق ایک دکان پر مسلح ملزمان نے فائرنگ کی، واقعہ دو گروپوں کے درمیان پرانی دشمنی پر پیش آیا ہے۔ پولیس نے بتایا کہ جاں بحق ہونے والوں میں باپ اور 3 بیٹے بھی شامل ہیں۔ پولیس کے مطابق جاں بحق ہونے والوں میں ایک راہگیر بھی شامل ہے۔ فائرنگ کرنے والے ملزمان فرار ہوگئے جن کی گرفتاری کے لیے پولیس نے علاقے کی ناکہ بندی کر دی ہے۔