سابق بھارتی کپتان سوراو گنگولی کو آئی پی ایل 2027 کے لیے دہلی کیپیٹلز کا نیا ہیڈ کوچ مقرر کردیا گیا ہے۔ فرنچائز نے 6 اکتوبر 2026 کو ان کی تقرری کا باضابطہ اعلان کیا۔
گنگولی 2019 سے دہلی کیپیٹلز کے ساتھ وابستہ ہیں۔ انہوں نے ابتدا میں بطور ایڈوائزر ذمہ داریاں انجام دیں اور بعد ازاں مردوں اور خواتین کی ٹیموں کے ڈائریکٹر آف کرکٹ بھی رہے۔ اب وہ پہلی مرتبہ آئی پی ایل فرنچائز کے ہیڈ کوچ کی حیثیت سے ذمہ داری سنبھالیں گے۔
گنگولی نے ہیمنت بدانی کی جگہ لی ہے، جن کی زیرِ نگرانی دہلی کیپیٹلز گزشتہ دو آئی پی ایل سیزنز میں پلے آف کے لیے کوالیفائی نہیں کرسکی تھی۔ گنگولی اس سے قبل جنوبی افریقہ کی پریٹوریا کیپیٹلز کے ہیڈ کوچ بھی رہ چکے ہیں۔
گنگولی نے کہا کہ دہلی کیپیٹلز ان کے دل کے بہت قریب ہے اور وہ ٹیم کے ساتھ کام کرنے، نئے سیزن کی تیاری اور ایک مضبوط ٹیم تشکیل دینے کے لیے پُرجوش ہیں۔
