پاکستان پیپلز پارٹی کے چیئرمین بلاول بھٹو زرداری نے کہا ہے کہ خیبر پختونخوا میں گورنر راج نافذ کرنا آخری آپشن ہوگا۔ ان کا کہنا ہے کہ پیپلز پارٹی چاہتی ہے کہ پاکستان تحریک انصاف سیاسی عمل کا حصہ رہے اور صوبے کی صورتحال کا حل مذاکرات کے ذریعے نکالا جائے۔
بلاول بھٹو کے مطابق پیپلز پارٹی کی کوشش ہے کہ وفاقی حکومت اور خیبر پختونخوا کی صوبائی حکومت کے درمیان سیاسی اتفاقِ رائے پیدا ہو تاکہ دہشت گردی کے خلاف مشترکہ حکمت عملی اپنائی جا سکے۔ انہوں نے زور دیا کہ دہشت گردی کو سیاسی اختلافات سے الگ رکھتے ہوئے قومی مسئلے کے طور پر دیکھا جائے۔
انہوں نے کہا کہ گورنر راج اور ہنگامی اقدامات آئینی راستے ہیں، تاہم ان پر عمل درآمد سے پہلے سیاسی حل کی ہر ممکن کوشش کی جانی چاہیے۔ پیپلز پارٹی چاہتی ہے کہ تحریک انصاف اور وفاقی حکومت بات چیت کے ذریعے اختلافات دور کریں اور صوبے میں امن و امان کی صورتحال بہتر بنانے کے لیے مل کر کام کریں
