کراچی، آٹزم سے متاثرہ بچوں کی مفت تعلیم اور تھراپی کا انتظام

کراچی (این این آئی) شہر قائد کے علاقے سولجر بازار میں آٹزم سے متاثرہ بچوں کو مفت تعلیم، اسپیچ تھراپی اور خصوصی تربیت فراہم کی جارہی ہے، جس کا مقصد انہیں خودمختار بنانے اور معاشرے کا فعال حصہ بننے میں مدد دینا ہے۔ رپورٹ کے مطابق سولجر بازار میں قائم ایک نجی اسکول میں کراچی کے مختلف علاقوں سے آنے والے آٹزم
سے متاثرہ بچوں کی انفرادی ضروریات اور صلاحیتوں کو مدنظر رکھتے ہوئے تعلیم و تربیت کا انتظام کیا گیا ہے۔ بچوں کو تعلیمی سرگرمیوں کے ساتھ کھیل کود اور دیگر غیر نصابی سرگرمیوں میں حصہ لینے کے مواقع بھی فراہم کیے جاتے ہیں۔