قومی اسمبلی میں گورنر راج پر بات کی اجازت نہ ملی’ سپیکر ایاز صادق نے بیرسٹر گوہر کو روک دیا

اسلام آباد (سٹاف رپورٹر) قومی اسمبلی کے اجلاس میں خیبرپختونخوا میں 11 اکتوبر کو نافذ کیے گئے گورنر راج کا معاملہ اٹھانے پر اسپیکر سردار ایاز صادق نے پاکستان تحریک انصاف کے چیئرمین بیرسٹر گوہر علی خان کو بات کرنے سے روک دیا۔ اسپیکر نے واضح کیا کہ ایوان اس وقت ایک رکن قومی اسمبلی کی وفات کے حوالے سے تعزیتی کارروائی کر رہا ہے، اس لیے کسی دوسرے معاملے پر گفتگو نہیں ہو سکتی، جبکہ بیرسٹر گوہر نے گورنر راج کے فیصلے کو جمہوریت پر شب خون قرار دے دیا۔قومی اسمبلی کے اجلاس کے دوران بیرسٹر گوہر علی خان نے خیبرپختونخوا میں گورنر راج کے نفاذ کا معاملہ اٹھانے کی کوشش کی تو اسپیکر سردار ایاز صادق نے انہیں مخاطب کرتے ہوئے کہا کہ ”ہم ایک رکن اسمبلی کی وفات پر بات کر رہے ہیں، تو کسی دوسرے ایشو پر بات نہیں ہو سکتی۔” اسپیکر نے اس موقع پر ایوان کی تعزیتی کارروائی کے احترام کو ملحوظ خاطر رکھنے پر زور دیا۔اسپیکر کی جانب سے بات کرنے سے روکے جانے پر بیرسٹر گوہر علی خان نے ردعمل دیتے ہوئے کہا کہ خیبرپختونخوا میں گورنر راج کا نفاذ بھی ایک بہت بڑا سانحہ ہے اور جمہوریت پر شب خون مارا گیا ہے۔ ان کے اس بیان کے ذریعے تحریک انصاف نے صوبے میں گورنر راج کے فیصلے پر اپنے شدید تحفظات کا اظہار کیا۔
سپیکر