لندن‘لاہور(بیورورپورٹ‘اپنے سٹاف رپورٹر سے) وزیراعلیٰ پنجاب محمد شہبازشریف نے کہا ہے کہ مسلم لیگ (ن) کی حکومت کے ترقیاتی منصوبے شفافیت کے ساتھ رفتار اور اعلیٰ معیار میں اپنی مثال آپ ہیں اور ہماری حکومت نے منصوبوں میں نہ صرف اربوں روپے کے قومی وسائل بچائے ہیں بلکہ وسائل کو امانت سمجھ کر عوام کی فلاح پر خرچ کیا ہے۔ فلاح عامہ کے ہمارے منصوبے وسائل عوام پر خرچ کرنے کی شاندار مثالیں ہیں۔ وہ آج لندن میں اوورسیز پاکستانیوں کے وفد سے گفتگو کر رہے تھے۔ وزیراعلیٰ نے وفد سے گفتگو کرتے ہوئے کہا کہ ہم محنت ، خدمت ، دیانت اور شفافیت کی سیاست پر یقین رکھتے ہیں اور سوا چار برس کے دوران خلوص نیت کے ساتھ کی گئی محنت رنگ لا رہی ہے۔70 برس کی غلطیوں کی تلافی محنت اور عزم کے ساتھ کی جا رہی ہے اور گزشتہ سوار چار برس کے دوران پاکستان مسلم لیگ (ن) کی حکومت نے عوامی خدمت کے ریکارڈ قائم کئے ہیں۔پہلے کی طرح آئندہ بھی عوام کی توقعات پر پورا اتریں گے۔ انہوں نے کہا کہ پاکستان میں کرپشن میں کمی اور شفافیت میں اضافہ موجودہ حکومت کا کریڈٹ ہے اور بین الاقوامی اداروں نے بھی موجودہ حکومت کی شفافیت کی پالیسیوں پر مہر تصدیق ثبت کی ہے۔وزیراعلیٰ نے کہا کہ پاکستان کے عوام صرف ترقی و خوشحالی چاہتے ہیں۔ مسلم لیگ (ن) کی حکومت کھوکھلے نعروں نہیں بلکہ عملی اقدامات پر یقین رکھتی ہے اور یہی وجہ ہے کہ عام آدمی کی فلاح و بہبود اور معیار زندگی بلند کرنے کیلئے ٹھوس پروگرامز پر عملدرآمد کیا جا رہا ہے اور میں عوام کی فلاح و بہبود کے ہر منصوبے پر پیش رفت کی ذاتی طو رپر نگرانی کر رہا ہوں اور تھرڈ پارٹی آڈٹ سسٹم کے ذریعے منصوبوں میں شفافیت اور اعلیٰ معیار یقینی بنایا گیا ہے۔ انہوں نے کہا کہ ہر سانس عوام کی خدمت کیلئے وقف ہے اور ہمارا ہر قدم عوام کی فلاح و بہبود کیلئے اٹھ رہا ہے۔ عوامی خدمت کے سفر کو رکاوٹوں کے باوجود تیزی سے آگے بڑھایا گیا ہے۔ وزیراعلیٰ نے کہا کہ حکومت اور حصول اقتدار سیاستدان کی منزل نہیں بلکہ عوامی خدمت کا ذریعہ ہوتا ہے۔ انہوں نے کہا کہ موجودہ حکومت کے منصوبے ملک کی تاریخ کے شفاف ترین منصوبے ہیں ۔ فلاح عامہ کے منصوبوں کے مخالفےن نہےں چاہتے کہ عوام خوشحال ہوںاور ملک ترقی کرے۔ مفاد عامہ کے منصوبوں پربلاجواز تنقےد کرنےوالے عوام کی ترقی اورخوشحالی کے دشمن ہےں ۔عام آدمی کی فلاح و بہبود کے منصوبوں مےں رکاوٹےں کھڑی کرنےوالوں کو غرےب عوام کی محرومیوں کا خاتمہ برداشت نہےں۔انہوں نے کہا کہ ہمارے سیاسی مخالفین کو ترقیاتی منصوبوں میں شفافیت ہضم نہیں ہو رہی ۔ اربوں روپے کے قرضے معاف کرانے والے آج کس منہ سے کرپشن کے خاتمے کی بات کرتے ہیں ۔ شفافیت اور خدمت کی سیاست نے ہر موقع پر بہتان طرازی اورجھوٹ کی سیاست کو شکست دی ہے۔باشعور عوام نے دھرنا دینے والوں اور ماضی میں کرپشن کے ریکارڈ بنانے والوں کو پہلے بھی مسترد کیا اور آئندہ بھی کرینگے۔ وزیر اعلیٰ محمد شہباز شریف نے سابق چیف سیکرٹری پنجاب بریگیڈیئر(ر) اسلم حیات قریشی کے انتقال پر گہرے دکھ اور افسوس کا اظہار کیا ہے۔ وزیر اعلیٰ پنجاب محمد شہباز شریف نے باجوڑ ایجنسی میں مٹی کاتودہ گرنے کے باعث خاتون سمیت بچوں کے جاں بحق ہونے کے واقعہ پر دکھ اور افسوس کا اظہار کیا ہے۔وزیر اعلیٰ پنجاب میاں شہباز شریف آج صبح پاکستان واپس پہنچیں گے، وہ گزشتہ پانچ روز سے لندن میں تھے، انہوں نے پارٹی قائدمیاں نواز شریف سے ملاقات بھی کی اور بیگم کلثوم نواز کی عیادت کے علاوہ اپنا طبی معائنہ بھی کروایا، وزیر اعلیٰ ہفتہ کی شام ہیتھرو ایئر پورٹ لندن سے روانہ ہوئے۔
