ن لیگ کے اندر کوئی دراڑ نہیں ہے، شریف خاندان میں اختلافات، نواز شریف

لاہور(اپنے سٹاف رپورٹر سے) سابق وزیر اعظم نواز شریف سے جاتی عمرہ میں پارٹی کے اہم رہنماو¿ں نے ملاقات کی ہے جس میں مسلم لیگ(ن) کی رابطہ عوام مہم کو تیز کرنے اور اس کا آغاز12نومبر کو ایبٹ آباد سے کرنے کا فیصلہ کیا گیا ہے ۔میڈیا رپورٹس کے مطابق ہفتہ کو رائے ونڈ کے نواح جاتی عمرہ میں سابق وزیر اعظم نواز شریف سے ان کی رہائش گاہ پر اسپیکر قومی اسمبلی سردار ایاز صادق،وزیر ریلوے خواجہ سعد رفیق اور چوہدری منیر سمیت پارٹی کے اہم رہنماو¿ں نے ملاقات کی ۔سابق وزیر اعظم سے پنجاب سے تعلق رکھنے والے کئی ایم این ایز اور ایم پی ایز نے بھی ملاقات کی۔ ان ملاقاتوں میں ملک کی مجموعی سیاسی صورتحال پر تبادلہ خیال کیا گیا ۔ اس موقع پر فیصلہ کیا گیا ہے کہ مسلم لیگ(ن) کی رابطہ عوام مہم کو تیز کیا جائے گا۔عوامی رابطہ مہم کا آغاز 12نومبر کو ایبٹ آباد میں جلسے سے کیا جائے گا۔اس جلسے کے بعد اگلے جلسے کے شیڈول کا اعلان ہو گا۔اس ضمن میں نواز شریف کی مصروفیات کو مد نظر رکھ کر فیصلے ہونگے کیونکہ سابق وزیر اعظم کی اہلیہ علیل اور لندن میں زیر علاج ہیں ۔اس لئے انھیں وہاں بھی جانا ہوتا ہے اور احتساب عدالت میں پیش ہونا پڑتا ہے ۔ پارٹی رہنماو¿ں سے ملاقات کے دوران گفتگو میں نواز شریف کا کہنا تھا کہ مسلم لیگ(ن) کے اندر کوئی دراڑ نہیں ہے اور نہ ہی شریف خاندان میں کو اختلافات ہیں اس حوالے سے خبروں پر توجہ نہ دی جائے تاہم اگر کسی کے کسی حوالے سے کوئی بھی تحفظات ہوں انھیں دور کیا جائے ۔اختلاف رائے جمہوریت کا حسن ہے ۔