شہید سیکنڈ لیفٹیننٹ عبدالمعید کی کیولری گراونڈ قبرستان فوجی اعزاز کیساتھ تدفین،اعلیٰ عسکری،سول حکا م کی شرکت

لاہور (ویب ڈیسک)شمالی وزیرستان میں دہشت گردوں کے حملے میں شہید ہونے والے سیکنڈ لیفٹیننٹ عبدالمعید کو کیولری گراو¿نڈ قبرستان میں سپرد خاک کردیا گیا۔لاہور کے ایوب اسٹیڈیم میں شہید عبدالمعید کی نماز جنازہ ادا کی گئی جس میں شہید کے لواحقین سمیت کور کمانڈر لاہور لیفٹیننٹ جنرل عامر ریاض، سی سی پی او لاہور، دیگر عسکری حکام اور حکومتی ارکان نے شرکت کی۔ نماز جنازہ کی ادائیگی کے بعد شہید کی میت کو ایمبولینس کے ذریعے کیولری گراو¿نڈ قبرستان لایا گیا جہاں انہیں مکمل فوجی اعزاز کے ساتھ سپرد خاک کیا گیا۔ اس سے قبل شہید کے اٰآبائی علاقے بورے والا میں ان کی نماز جنازہ ادا کی گئی تھی۔ سیکنڈ لیفٹیننٹ عبدالمعید نے حال ہی میں پی ایم اے کورس پاس کیا تھا اور گزشتہ روز شمالی وزیرستان میں دہشت گردوں کے حملے میں شہید ہوئے۔ دہشت گردوں کے حملے میں شہید ہونے والے پاک فوج کے دوسرے جوان سپاہی بشارت کا تعلق گلگت کے گاو¿ں دینور سے ہے اور ان کی عمر بھی 21 سال ہی تھی۔