ممبئی (شوبزڈےسک) بالی وڈ اداکار کنال کپور نے کہا ہے کہ اداکار اکشے کمار کام کو سنجیدگی سے لیتے ہیں لیکن اپنے اسٹار ڈم کو سنجیدہ نہیں لیتے۔بھارتی میڈیا سے گفتگو کر تے ہوئے اداکار کنال کپور نے کہا ہے کہ فلم ’گولڈ ‘ کی کہانی بہت طاقتور اور شاندار ہے جو بھارتی ہاکی ٹیم کی اولمپکس میں پہلی بار گولڈ میڈل جیتنے سے متعلق ہے۔انہوں نے کہا کہ فلم میں اداکار اکشے کمار کے ساتھ کام کر کے بہت مزہ آیا اور ان میں ایک حیرت انگیز بات یہ ہے کہ وہ اپنے کام کو بہت سنجیدگی سے لیتے ہیں لیکن اپنے اسٹارڈم کو سنجیدہ نہیں لیتے۔انہوں نے کہا کہ میں اکشے کمار سے بہت متاثر ہیں کیونکہ وہ ہمیشہ کچھ نیا کرتے ہیں۔ ہدایتکار رہما کگتی کی فلم’گولڈ ‘ 15 اگست کو ریلیز کی جائے گی۔
