لاہور(خصوصی رپورٹ)ڈی سی او لاہور کیپٹن (ر)محمد عثمان نے احتجاجی جلسے،ریلیوں اور دھرنوں کے لیے ناصر باغ کو مختص کر دیا ہے۔ ڈی سی او لاہور نے اس ضمن میں با قاعدہ نو ٹیفکیشن جا ری کر دیا ہے۔ نو ٹیفکیشن کے مطابق جلسے ،جلوسوں اور دھرنے کے لیے ضلعی انتظامیہ سے اجازت لینا ہو گی۔ ناصر باغ میں کسی بھی احتجاجی جلسے،جلوس اور دھرنے کے لیے 10دن پہلے تحریری درخواست دینا ہو گی۔ نا صر با غ کے علا وہ کسی سڑک پر جلسے،جلوس اور دھرنے کی اجازت نہ دی جائے گی اگر کسی کو نا صر باغ میں احتجاجی جلسہ،جلوس یا دھرنے کی اجازت دی جا تی ہے تو وہ قانون کے مطابق اس پر عمل پیرا ہو گا تا کہ عوام الناس کی سیفٹی اورامن امان کو یقینی بنایا جا سکے اور اس دوران پو لیس اور ضلعی انتظامیہ کسی بھی گاڑیشخص کو چیک کر سکے گی جو اس جلسے،جلوس یا دھرنے میں شرکت کے لیے آئے گا۔جلسے،جلوس اوردھرنے کی انتظامیہ ضلعی انتظامیہ اور پو لیس کے ساتھ ایونٹ کے موقع پر فول پروف سکیورٹی کے لیے مکمل تعاون کرے گی۔اس ضمن میں ایونٹ کر نے والی انتظامیہ کی ذمہ داری ہو گی کہ وہ تحریری طور پر ڈی سی او لاہور کوضمانت نا مہ جمع کروائے گی کہ کسی بھی قسم کا کوئی نا خوشگوار واقعہ پیش آیا تو وہ خود ذمہ دار ہو نگے۔جلسے،جلوس اور دھرنے کی انتظامیہ بینرز،فلیکسز بھی ضلعی انتظامیہ کی اجازت کے بغیر نہیں لگا سکے گی۔اگر کسی ایونٹ میں50سے زائد افراد کی شرکت ہونی ہو گی تو اس کے لیے لا ہور پولیس،ٹریفک پولیس اور انٹیلی جنس ایجنسیز سے کلےئرنس لینا ہو گی۔
