لاہور: پاکستان کرکٹ ٹیم لاہور سے آسٹریلیا روانہ ہوگئی، قومی اسکواڈ براستہ دبئی سڈنی سے کینبرا پہنچے گا۔ ٹیم میں 18 کھلاڑی شامل ہیں جبکہ مینجمنٹ کے دو ارکان ڈاکٹر سہیل اور شاہد اسلم اسکواڈ کو بعد میں جوائن کریں گے۔ بیٹنگ کوچ ایڈم ہولیوک اور ہائی پرفارمنس کوچ سائمن گرانٹ ہیلمٹ آسٹریلیا میں ٹیم کو جوائن کریں گے۔ پاکستان اور آسٹریلیا کے درمیان 3 ٹیسٹ میچز کی سیریز کا پہلا میچ 14 دسمبر سے پرتھ میں شروع ہوگا۔ شان مسعود ٹیسٹ ٹیم کی کپتانی کریں گے۔
Author: Khabrain News
سابق وزیراعظم نوازشریف کے خلاف توشہ خانہ کیس کی سماعت 20 دسمبر تک ملتوی کردی گئی ہے۔ احتساب عدالت اسلام آباد میں سابق وزرائے اعظم نوازشریف، یوسف رضا گیلانی اور سابق صدر آصف زرداری کے خلاف توشہ خانہ کیس کی سماعت ہوئی، احتساب عدالت کے جج محمد بشیر نے سماعت کی۔ نوازشریف کے وکیل قاضی مصباح اور پلیڈر راناعرفان عدالت میں پیش ہوئے۔ جب کہ نیب پراسیکیوٹرعرفان بھولا اور سہیل عارف بھی عدالت میں پیش ہوئے۔ نوازشریف کے وکیل قاضی مصباح کے دلائل وکیل قاضی مصباح نے مؤقف اختیار کیا کہ نوازشریف شامل تفتیش ہو چکے، سوالنامہ مہیا کیا گیا…
پاکستان مسلم لیگ (ن) کے صدر شہباز شریف نے کہا ہے کہ جھوٹ کی تاریک رات کتنی ہی طویل کیوں نہ ہو، سچائی کی صبح آخر ہو کر ہی رہتی ہے۔ سابق وزیراعظم شہباز شریف سے سابق ارکان قومی و صوبائی اسمبلی اور پارٹی رہنماؤں کی ملاقات ہوئی، مسلم لیگ (ن) کے صدر سے ملاقات کرنے والوں میں سابق ایم این اے سردار عرفان ڈوگر، سابق ایم پی اے چوہدری محمود الحق، پارٹی رہنماؤں رانا مبشر اور طلحہ برکی شامل تھے۔ ملاقات میں پارٹی کے تنظیمی امور اور انتخابات کی تیاریوں کے حوالے سے تبادلہ خیال کیا گیا۔ پارٹی صدر…
بھارت کی قومی ائیر لائن ”ائیر انڈیا“ کی ایک ویڈیو سوشل میڈیا پر خوب وائرل ہو رہی ہے، جس میں دوران پرواز اس کی چھت سے پانی ٹپکتا دکھایا گیا ہے۔ ائیر انڈیا کی پرواز دہلی سے لندن کے گیٹوک ہوائی اڈے کی جانب رواں دواں تھی کہ اچانک اس کا اوور ہیڈ اسٹوریج یونٹ کیبن میں لیک ہونے لگا۔ ویڈیو میں دیکھا جاسکتا ہے کہ جہاز کی چھت سے پانی ایسے بہہ رہا ہے جیسے غریب کے جھونپڑے میں برسات میں بہتا ہے۔ اس دوران کیبن کریو مسافروں کو سمجھانے کی کوشش کرتا رہا۔ پائلٹ نے بھی مسافروں کو…
رحیم یار خان میں ڈاکوؤں نے حملہ کرکے لڑکی سمیت 5 کسانوں کو فائرنگ کرکے قتل کردیا، پولیس کی جوابی کارروائی میں 4 ڈاکو ہلاک جب کہ 2 اہلکار شہید بھی ہوگئے۔ پولیس کے مطابق ماچھکہ کے علاقے میں ایک درجن سے زائدکوش اور شرگینگ کے ڈاکوؤں نےگنےکی کٹائی کے دوران کسانوں پر حملہ کردیا۔ ڈاکوؤں کی فائرنگ سے 4 کسان جاں بحق اور تین زخمی ہوگئے، ڈاکوؤں کی فائرنگ سے چھت پر کھڑی 17 سالہ لڑکی بھی گولیوں کی زد میں آکر جاں بحق ہوگئی۔ واقعےکے بعد پولیس نے ڈاکوؤں کا محاصرہ کیا تو مقابلہ ہوگیا اور 4 ڈاکو…
فیڈرل بورڈ آف ریونیو (ایف بی آر) نے ملک بھر میں پاکستان انٹرنیشنل ایئرلائنز (پی آئی اے) کے اکاؤنٹس منجمد کردیے۔ پی آئی اے کی مشکلات میں ایک بار پھر اضافہ ہوگیا، ایف بی آر نے ملک بھر میں پی آئی اے کے اکاؤنٹس منجمد کردیے۔ ذرائع کے مطابق پی آئی اے کو مجموعی طور پر ساڑھے 4 ارب کی ادائیگی کرنی ہے، پی آئی اے نے فروری سے لے کر اب تک ریٹرن فائل نہیں کیے، ٹریبونل کے آرڈر پر 2 ارب 70 کروڑ روپے ادا کرنے ہیں لیکن ادائیگی نہ ہونے پر اکاؤنٹس منجمد کردیے گئے ہیں۔ اس…
پاکستان پیپلزپارٹی پارلیمنٹرینز کے صدر آصف زرداری اور چیئرمین پیپلز پارٹی بلاول بھٹو زرداری کوئٹہ پہنچ گئے جہاں پارٹی کے بلوچستان کے رہنماؤں نے دونوں لیڈروں کا استقبال کیا۔ پاکستان پیپلزپارٹی پارلیمنٹرینز کے صدر آصف علی زرداری اور چیئرمین پیپلز پارٹی بلاول بھٹو زرداری کوئٹہ پہنچ گئے۔ سابق صدر آصف علی زرداری اور سابق وزیرخارجہ بلاول بھٹو زرداری کا پیپلز پارٹی بلوچستان کے رہنماؤں نے استقبال کیا۔ آصف علی زرداری اور بلاول بھٹو زرداری کا استقبال کرنے والوں میں چنگیز جمالی، روزی خان کاکڑ، سردار ثنااللہ زہری، عبدالقادر بلوچ، علی مدد جتک، صابر بلوچ، چوہدری یاسین، سردار عمر گورگیج اور…
دورہ کویت کے دوران نگراں وزیر اعظم انوار الحق کاکڑ نے کویت کے پہلے نائب وزیر اعظم اور وزیر داخلہ شیخ طلال الخالد الاحمد الصباح سے بیان پیلس میں ملاقات کی۔ جس کے بعد پاکستان اور کویت کے درمیان 7 معاہدوں پر دستخط کیے گئے۔ نگراں وزیرِاعظم دو روزہ سرکاری دورہ کویت مکمل کرکے اقوام متحدہ کانفرنس میں شرکت کیلئے دبئی روانہ ہوئے۔ وزیراعظم انوارالحق کاکڑ کی کویت کے نائب وزیراعظم اور وزیر داخلہ سے ملاقات میں آرمی چیف جنرل سید عاصم منیر بھی موجود تھے۔ ملاقات میں دو طرفہ تعلقات کو اقتصادی شراکت داری میں تبدیل کرکے مضبوط کرنے…
کراچی: سعودی عرب نے پاکستان کی معیشت کو استحکام دینے کے لیے پاکستان کے ساتھ 3 ارب ڈالر کے ڈپازٹ کی مدت میں توسیع کردی۔ اسٹیٹ بینک کے مطابق سعودی فنڈ برائے ڈیولپمنٹ (ایس ایف ڈی) نے مملکت سعودی عرب کی جانب سے 05 دسمبر 2023ء کو مدت مکمل کرنے والے 3 ارب ڈالر کے ڈپازٹ کی مدت میں مزید ایک سال کی توسیع کردی ہے۔ یہ رقم اسلامی جمہوریہ پاکستان کی جانب سے اسٹیٹ بینک آف پاکستان (ایس بی پی) میں جمع ہے۔ ڈپازٹ کی مدت میں توسیع مملکت سعودی عرب کی جانب سے اسلامی جمہوریہ پاکستان کو فراہم…
اسلام آباد: پاکستان تحریک انصاف کے نامزد چیئرمین بیرسٹر گوہر علی خان نے کہا ہے کہ عمران خان چیئرمین پی ٹی آئی تھے ہیں اور تاحیات رہیں گے۔ بیرسٹر گوہر علی خان نے اسلام آباد میں میڈیا سے گفتگو کرتے ہوئے کہا کہ عمران خان نے مجھ پر، میرے ضلع، میرے صوبے اور پوری ٹیم پر جو اعتماد کیا ، اس پر ان کا شکریہ ادا کرنے کے لیے میرے پاس الفاظ نہیں۔ بیرسٹر گوہر علی خان کا کہنا تھا کہ میں ان کے نامزد کردہ نمائندے اور جانشین کی حیثیت سے ہوں گا، پی ٹی آئی وہی ہے جو خان…