ابوظہبی(آئی این پی) پاکستان کرکٹ ٹیم کے مایہ ناز بلے باز یونس خان متحدہ عرب امارات (یو اے ای)کی سرزمین پر زیادہ رنز بنانے والے پہلے بلے باز بن گئے وہ 26 ٹیسٹ میچوں میں 56.58 کی اوسط سے 2433 رنز سکور کر چکے ہیں جس میں 11 سنچریاں شامل ہیں۔دوسرے نمبر پر پاکستان کپتان مصباح الحق ہیں جنہوں نے 25میچوں میں 61.48رنز کی اوسط سے 2152رنز سکور کئے ہیں جن میں 6سنچریاں بھی شامل ہیں۔
لاہور(اے این این) یونس خان اب مکمل طور پر صحتیاب ہوگئے ہیں اور بہت جلد ٹیم کو جوائن کریں گے ۔بیماری کی وجہ سے ویسٹ انڈیز کے خلاف متحدہ عرب امارات میں جاری ٹیم ٹیسٹ میچوں کی سیریز کے پہلے میچ میں شرکت سے محروم ہو گئے تھے اب وہ ابو ظبہی ٹیسٹ میں ٹیم کا حصہ ہو سکتے ہیں۔پاکستان اور ویسٹ انڈیز کے خلاف پہلے ٹیسٹ میچ میں یونس خان بیماری کی وجہ سے شرکت نہیں کرسکے اوران کی جگہ نوجوان بیٹسمین بابر اعظم کو موقع دیا گیا تھا۔واضح رہے کہ گزشتہ دنوں تیز بخار کے سبب کراچی کے ایک نجی اسپتال میںیونس خان کو داخل کروایا گیا تھا۔ہسپتال ذرائع کے مطابق اب یونس خان مکمل طور پر صحتیاب ہوگئے ہیں اور وہ اپنی معمول کی سرگرمیوں میں حصہ لے سکتے ہیں۔
