بھارت کا جنگی جنون …. تاریخ کا سب سے بڑا معاہدہ

نئی دہلی(ویب ڈیسک)بھارت کی ایک ہوائی کمپنی نے دو سو پانچ بوئنگ طیارے خریدنے کا اعلان کیا ہے۔ بھارت کی شہری ہوا بازی کی تاریخ میں اس معاہدے کو ایک انتہائی بڑی تجارتی سرگرمی قرار دیا گیا ہے۔بھارت کی پرائیویٹ ایئر لائن اسپائس جیٹ کی بوئنگ طیارے خریدنے کی ڈیل بائیس ارب امریکی ڈالر کے برابر ہے۔بھارتی ٹی وی کے مطابق اس فضائی کمپنی کے چیئرمین اجے سنگھ نے بتایاکہ اسپائس جیٹ نے اِس انتہائی اہم اور بڑی ڈیل کو حتمی شکل دے دی ہے۔ انہوں نے اسے بھارتی شہری ہوابازی کی تاریخ کا بھی ایک اہم ترین اور بڑا کاروباری سودا قرار دیا ہے۔ اجے سنگھ کے مطابق بھارت اور بوئنگ کمپنی کے درمیان بھی یہ اب تک کا سب سے بڑا معاہدہ ہے۔ اسپائس جیٹ کے چیئرمین نے بتایا کہ اب ا±ن کی کمپنی بھارت کے اندر اور بیرون ملک اپنے آپریشن اور پروازوں کے سلسلے کو وسعت دینے کی پوزیشن میں آ گئی ہے۔ بھارتی فضائی کاروبار کے مجموعی حجم میں اسپائس جیٹ کا حصہ تیرہ فیصد ہے۔ایسے اندازے بھی لگائے گئے ہیں کہ اسپائس جیٹ نے مستقبل کی طویل المدتی منصوبہ بندی کے تحت بوئنگ طیاروں کا سودا کیا ہے اور یہ کمپنی یقینی طور پر خلیج میں بھی اپنا جال بچھانے کی کوشش کرے گی۔ اگر وہ اپنی پلاننگ میں کامیاب ہو گئی تو اتنے بڑے فلیٹ کے ساتھ وہ بھارتی ایئر ٹریفک پر غلبہ خاصل کرنے کی پوزیشن میں آ سکتی ہے۔