تہران (ویب ڈیسک)معاشرے میں استاد کی عظمت اور اہمیت سے سب ہی واقف ہیں اور انسان کو مختلف شعبوں میں کامیابی سے ہمکنار کرانے اورصحیح منزلدکھانے میںایک استاد کا اہم کردار ہوتا ہے۔ اسی کی ایک مثال قائم کی ہے ایران سے تعلق رکھنے والے ایک استاد نے جنہوں نے اپنے فرائض کی انجام دہی میں کچھ آگے بڑھ کر کینسر کے شکار طالب علم کو ہسپتال میں ہی تعلیم دینے کی ٹھانی اور انکی اس کاوش کو دنیا بھر میں قدر کی نگاہ سے دیکھا گیا۔میڈیا رپورٹس کے مطابق انٹرنیٹ کے ذریعے سامنے آنے والی اس تصویر میں ایک ٹیچر کو ہسپتال میں اپنے علیل طالب کو فون کے ذریعے پڑھاتے دیکھا جا سکتا ہے۔ یہ استاد روز سکول سے واپسی پر ہسپتال میں زیر علاج اپنے اس طالب علم کے پاس آتے ہیں اور اسے سکول میں پڑھایا گیا سبق پڑھاتے ہیں تاکہ بچے کا تعلیمی نقصان نہ ہو۔ طالب کا نام تو سامنے نہیں آیا لیکن تصویر سے واضح ہو رہا ہے کہ زمین پر بیٹھے یہ ٹیچر ایک ہاتھ میں فون اور دوسرے میں ٹیبلٹ تھامے طالب علم کو پڑھا رہے ہیں۔استاد اور طالب علم بظاہر توایک دوسرے کے قریب موجود ہیں لیکن بچے کی بیماری کی حساسیت کے باعث دونوں کے درمیان شیشے کی دیوار حائل ہے۔ جس کے باعث اپنی بات طالب علم تک پہنچانے کے لئے استاد نے فون کا سہارا لیا۔
