جنید نے اچھی باولنگ کی، آسٹریلیاپر پریشر بنائے رکھا

لاہور(سپورٹس ڈیسک)قومی کرکٹ ٹیم کے کپتان مصباح الحق نے کہا ہے کہ عامر اور جنیدنے زبردست باولنگ کی ،باولرز نے آسٹریلین کھلاڑیوں پر پریشر بنائے رکھا جس کی وجہ سے وہ بہتر طریقے سے کھیل نہ سکے۔ مصبا ح الحق کا قومی کرکٹ ٹیم کا ون ڈے میچ میں جیت سے ہمکنار ہونے پر تبصرہ کرتے ہوئے کہنا تھاکہ آج ٹیم کی پرفارمنس بہت اچھی تھی۔باولرز کی جانب سے زبردست باولنگ دیکھنے میں آئی جبکہ باولرز نے آسٹریلین بلے بازوں پر مسلسل دباو بنائے رکھا جس کا نتیجہ یہ نکلا کہ کھلاڑیوں کو پرفارم کرنے میں مشکلات کا سامنا کرنا پڑا۔انہوں نے شعیب ملک سے متعلق سوال کا جواب دیتے ہوئے کہا کہ شعیب ملک کا پچھلے میچ میں پرفارم نہ کرنا ہمارے لئے کافی نقصان دہ تھا،وہ بہت تجربہ کار کھلاڑی ہیں اور ماضی میں انہوں نے بہت اچھی پرفارمنس دی ہے لیکن ٹیسٹ سیریز ہارنے سے بڑی مایوسی ہوئی۔، ہم ٹیسٹ سیریز میں میچ وننگ پرفارمنس نہیں دے سکے۔کپتان نے محمد حفیظ کی کارکردگی کو سراہتے ہوئے کہا کہ محمد حفیظ نے ٹیم کو اچھے طریقے سے گائیڈ کیا اور کامیابی حاصل کی جبکہ وہ خود بھی بہت زبردست باولر ہیں ،وہ ایسے باولر ہیں جنہیں ہر جگہ کھلایا جاسکتا ہے، مگر دنیا میں بڑے بڑے کھلاڑیوں کیساتھ مسائل پیش آجاتے ہیں ،ان پر تنقید ہرگز نہیں کرنی چاہیے کیونکہ جو میدان میں موجود ہوتا ہے وہ حالات کو بہتر طریقے سے دیکھ رہا ہوتا ہے۔انہوں نے نئے آنیوالے کھلاڑیوں کے بارے اظہار خیال کرتے ہوئے کہاکہ نئے آنیوالے کھلاڑیوں نے ٹیم کو آگے لے کر جاناہے،ان کی پرفارمنس بہتر ہونے میں مزید وقت لگے گا۔نوجوان ٹیم جتنا جیتے گی ان میں اتنی ہی خود اعتمادی پیدا ہوگی اور اسی خوداعتمادی کیساتھ انہیں مستقبل میں ٹیم کی ذمہ داری سنبھالنی ہے۔لاہور(سپورٹس ڈیسکومی کرکٹ ٹیم کے کپتان مصباح الحق نے کہا ہے کہ عامر اور جنیدنے زبردست باولنگ کی ،باولرز نے آسٹریلین کھلاڑیوں پر پریشر بنائے رکھا جس کی وجہ سے وہ بہتر طریقے سے کھیل نہ سکے۔ مصبا ح الحق کا قومی کرکٹ ٹیم کا ون ڈے میچ میں جیت سے ہمکنار ہونے پر تبصرہ کرتے ہوئے کہنا تھاکہ آج ٹیم کی پرفارمنس بہت اچھی تھی۔باولرز کی جانب سے زبردست باولنگ دیکھنے میں آئی جبکہ باولرز نے آسٹریلین بلے بازوں پر مسلسل دباو بنائے رکھا جس کا نتیجہ یہ نکلا کہ کھلاڑیوں کو پرفارم کرنے میں مشکلات کا سامنا کرنا پڑا۔انہوں نے شعیب ملک سے متعلق سوال کا جواب دیتے ہوئے کہا کہ شعیب ملک کا پچھلے میچ میں پرفارم نہ کرنا ہمارے لئے کافی نقصان دہ تھا،وہ بہت تجربہ کار کھلاڑی ہیں اور ماضی میں انہوں نے بہت اچھی پرفارمنس دی ہے لیکن ٹیسٹ سیریز ہارنے سے بڑی مایوسی ہوئی۔، ہم ٹیسٹ سیریز میں میچ وننگ پرفارمنس نہیں دے سکے۔کپتان نے محمد حفیظ کی کارکردگی کو سراہتے ہوئے کہا کہ محمد حفیظ نے ٹیم کو اچھے طریقے سے گائیڈ کیا اور کامیابی حاصل کی جبکہ وہ خود بھی بہت زبردست باولر ہیں ،وہ ایسے باولر ہیں جنہیں ہر جگہ کھلایا جاسکتا ہے، مگر دنیا میں بڑے بڑے کھلاڑیوں کیساتھ مسائل پیش آجاتے ہیں ،ان پر تنقید ہرگز نہیں کرنی چاہیے کیونکہ جو میدان میں موجود ہوتا ہے وہ حالات کو بہتر طریقے سے دیکھ رہا ہوتا ہے۔انہوں نے نئے آنیوالے کھلاڑیوں کے بارے اظہار خیال کرتے ہوئے کہاکہ نئے آنیوالے کھلاڑیوں نے ٹیم کو آگے لے کر جاناہے،ان کی پرفارمنس بہتر ہونے میں مزید وقت لگے گا۔نوجوان ٹیم جتنا جیتے گی ان میں اتنی ہی خود اعتمادی پیدا ہوگی اور اسی خوداعتمادی کیساتھ انہیں مستقبل میں ٹیم کی ذمہ داری سنبھالنی ہے۔