دنیا کے وہ ممالک جہاں رہنا سب سے زیادہ سستا ہے

لندن(خصوصی رپورٹ)دنیا کے پچاس سستے ترین ممالک میں سے پچاسویں نمبر پر یورپی ملک بیلارس ہے، جہاں نیویارک کی نسبت گھروں کا کرایہ تقریبا 85 فیصد کم ہے اور ضروری اشیا کی قیمتیں تقریبا 67 فیصد کم ہیں۔ یہ ملک مشرقی یورپ میں واقع ہے اور اس کی سرحدیں پولینڈ، یوکرین اور روس کے ساتھ ملتی ہیں۔ اس کے دارلحکومت میں بہترین زندگی گزارنے کے لئے فی کس ماہانہ کرایہ 440ڈالر اور دیگر ماہانہ اخراجات 450 ڈالر ہوسکتے ہیں۔ انچاسویں نمبر پر یورپی ملک پیرو ہے، جس کے دارالحکومت لیما میں اوسط کرایہ 427 ڈالر اور دیگر اخراجات 490 ڈالر ہیں۔ اس کے بعد 48 ویں نمبر یورپی ملک لتھوانیا ہے جہاں زندگی گزارنا دیگر کئی یورپی ممالک کی نسبت خاصا سستا ہے۔ سینتالیسویں نمبر پر کروشیا اور 46 ویں نمبر پر سستا ترین ملک مراکش ہے۔ان پانچ ممالک سے بھی سستے ممالک کی بات کریں تو بالترتیب لیٹویا، پرتگال، مصر، آرمینیا، فلپائن، بنگلہ دیش، روس، ہنگری، شام، سلووینیا، جرمنی، تیونیسیا، سپین، اسٹونیا، ترکی، برازیل، جارجیا، نیپال، البانیا، مونٹی نیگرو، الجیریا، یوکرین، آذربائیجان، میکسیکو، رومانیہ، بلغاریہ، یونان، سربیا، ملائیشیا، چلی، مالدووا، پاکستان، کولمبیا، پولینڈ، بوسنیا اینڈ ہرزیگووینا، مقدونیہ، چیک ری پبلک، پیراگوائے، عمان، زیمبیا، قازقستان، سعودی عرب، کسوووو، بھارت اور جنوبی افریقہ کا نمبر آتا ہے۔تو اس فہرست کے مطابق جنوبی افریقہ سستا ترین ملک قرار پایا ہے۔ اس کے دارالحکومت کیپ ٹان میں اوسط ماہانہ اخراجات 400ڈالر (تقریبا 40 ہزار پاکستانی روپے) سے کم ہیں، جبکہ ڈربن جیسے شہر میں ایک بیڈروم کرائے پر لینے کے ماہانہ اخراجات اوسطا 280 ڈالر (تقریبا 28ہزار پاکستانی روپے) ہیں۔