اسلام آباد (ویب ڈیسک) سپریم کورٹ میں اورنج لائن میٹرو ٹرین منصوبے سے متعلق کیس کی سماعت کے دوران جسٹس شیخ عظمت سعید نے اپنے ریمارکس میں کہاہے کہ حکومت ماس ٹرانزٹ منصوبہ تعمیر کرنا چاہتی ہے تو کرے منصوبے کی تعمیر سے تاریخی عمارات کو نقصان نہ پہنچے‘ دوران تعمیر چرچ کی عمارت گرانے کی اجازت نہیں دیں گے‘ ملک میں ہر طرف بداعتمادی کی فضا ہے‘ عدلیہ سمیت کسی ادارے پر اعتماد نہیں کیا جاتا‘ ماضی کو محفوظ رکھنے والی قوموںکا مستقبل محفوظ ہوتا ہے’ جس کو ماس ٹرانزٹ پسند نہیں وہ گاﺅں چلا جائے۔ پیر کو سپریم کورٹ میں اورنج لائن میٹرو منصوبے سے متعلق کیس کی سماعت جسٹس اعجاز افضل خان کی سربراہی میں پانچ رکنی بینچ نے کی۔ وکیل نیسپاک شاہد ماجد نے عدالت کو بتایا کہ اورنج لائن پراجیکٹ کا روٹ 2007 میں تجویز کیا گیا منصوبہ کی تعمیر سات کلومیٹر زیر زمین کی جائے گی جبکہ پچیس کلومیٹر تعمیر زمین سے اوپر کی جائے گی۔ ماحولیاتی اثرات سے متعلق عوامی عدالت بھی لگائی گئی۔ جسٹس شیخ عظمت سعید نے کہا کہ میری نظر میں جہاں ماس ٹرانزٹ نہ ہو وہ شہر نہیں جس کو ماس ٹرانزٹ پسند نہیں وہ گاﺅں چلا جائے۔ بات دو سو فٹ کے اندر تعمیر کی بھی نہیں ہے ۔ وکیل شاہد ماجد نے کہا کہ کسی تاریخی عمارت کو نقصان نہیں پہنچے گا۔ جسٹس شیخ عظمت سعید نے کہا کہ مغلیہ دور کی تعمیرات آپ کی حکومت پنجاب جیسی نہیں۔ جسٹس شیخ عظمت سعید نے کہا کہ حکومت ماس ٹرانزٹ منصوبہ تعمیر کرنا چاہتی ہے تو کرے منصوبے کی تعمیر سے تاریخی عمارات کو نقصان نہ پہنچے۔ دوران تعمیر چرچ کی عمارت گرانے کی اجازت نہیں دیں گے۔ جسٹس مقبول باقر نے کہا کہ تعمیرات سے پرانی عمارتوں کے متاثر ہونے کا خدشہ رہتا ہے۔ شاہد حامد نے کہا کہ میٹرو ٹرین روٹ تبدیل کرنا ممکن نہیں۔ جسٹس شیخ عظمت سعید نے کہا کہ شاہد حامد نے کہا کہ میٹرو ٹرین کا ٹریک سڑک کے درمیان سے گزرے گا۔ انہوں نے کہا کہ کیا لازمی ہے چوبرجی کے اوپر سے ہی ٹرین گزرے۔ شاہد حامد نے کہا کہ سڑک درمیان ٹریک سے خوبصورت نظارے دیکھنے کو ملیںگے۔ جسٹس اعجاز الاحسن نے کہا کہ خوبصورت نظارے سڑک سے بھی دیکھے جاسکتے ہیں۔ جسٹس شیخ عظمت سعید نے کہا کہ ماصی کو محفوظ رکھنے والی قومتوں کا مستقبل محفوظ ہوتا ہے۔ (ن غ)
سرینگر (ویب ڈیسک) جموں و کشمیر پولیس نے سرینگر کے انٹرنیشنل ایئرپورٹ پر دو گرنیڈ بم برآمد ہونے پر ا یک فوجی کو گرفتار کر لیا ۔ بھارتی میڈیا کے مطابق دہلی پرواز کے لئے سرینگر انٹرنیشنل ایئرپورٹ پہنچنے پر بھارتی فوجی کے سامان سے دو گرنیڈ بم برآمد ہونے پر گرفتار کر کے تفتیش کے لئے مقامی پولیس اسٹیشن کے حوالے کر دیا گیا ہے ابتدائی تفتیش کے دوران فوجی نے بتایا کہ وہ سامان میں ان بمون کی موجودگی کے حوالے سے لاعلم تھا ۔
اسلام آباد(ویب ڈیسک)وزیر داخلہ چوہدری نثار علی خان نے وفاقی دارالحکومت میں اپلائیڈ فار اور مشکوک نمبر پلیٹس کی حامل گاڑیوں کے داخلے کا نوٹس لے لیا۔ترجمان وزارت داخلہ کے مطابق وزیرداخلہ نے ہدایت کی ہے کہ بغیر رجسٹریشن گاڑی چلانا نہ صرف قانونا جرم ہے بلکہ اس سے سیکیورٹی سے متعلق کئی مسائل بھی جنم لیتے ہیں۔انھوں نے مزید کہاکہ اس لئے اس روش کی قطعا اجازت نہیں دی جا سکتی۔ وزیر داخلہ نے اسلام آباد ٹریفک پولیس کو غیر رجسٹرڈ گاڑیوں کے مالکان کو پندرہ دنوں کی مہلت دینے کی ہدایت کرتے ہوئے کہا ہے کہ معینہ مدت کے بعد قانون شکنی کے مرتکب گاڑی مالکان کے خلاف سخت قانونی کارروائی اور بھاری جرمانے کے ساتھ ساتھ ایسی گاڑیاں بلا تفریق و امتیاز بند کر دی جائیں گی۔
واہ کینٹ(ویب ڈیسک)عوامی مسلم لیگ کے سربراہ و سابق وفاقی وزیر شیخ رشید احمد نے کہا ہے کہ 15اپریل کو مسلم لیگ (ن) یا قانون کا جنازہ نکلے گا۔اپریل کا مہینہ سیاسی اعتبار سے نہایت ہی اہم ہے۔پانامہ پر مخالف فیصلہ آنے پر نواز شریف کے پاس وزیر اعظم رہنے کا اخلاقی جواز باقی نہیں رہتا۔ڈیل کے زریعے مادل ایان علی باہر گئی۔اور ڈیل کے زریعے ہی آصف علی زرداری اور شرجیل میمن پاکستان آئے ہیں۔ان خیا لات کا اظہار انھوں نے واہ کینٹ میں ایک تقریب سے خطاب کرتے ہوئے کیا۔شیخ رشید احمد نے کہا کہ ڈیل کے ھمام میں سارے ننگے ہیں اور بد قسمتی سے پاکستان کو لوٹنے والے اس قدر مضبوط ہیں کہ انھیں پوچھنے والا بھی کوئی نہیں ہے۔اس وقت پاکستان تاریخ کے اہم ترین دور سے گذر رہا ہے۔اور انشاءاللہ پاکستان آگے بڑھتا اور ترقی کرتا رہے گا۔
لاہور(ویب ڈیسک)حکومت نے ملک بھرمیں ریلوے کے نظام کو وسعت دینے کامنصوبہ شروع کر دیا جس کا مقصد تمام علاقوں خصوصاً بلوچستان کو آپس میں ملانا ہے۔تفصیلات کے مطابق ملک بھرمیں 2965کلومیٹر طویل نئی ریلوے لائن بچھائی جائیں گی جس میں سے 1761کلومیٹر طویل پٹڑیبلوچستان میں بچھائی جائے گی۔منصوبے کے تحت 2617کلومیٹرطویل پٹڑی کوجدیدخطوط پراستوارکیاجائے گاجس میں بلوچستان میں 1064کلومیٹرطویل پٹڑی بھی شامل ہے۔حکومت نے بناﺅ،چلاﺅاورحوالے کروکی بنیادپرمختلف سیکشن پرنئی ریلوے پٹڑیاں بچھانے ،ان کی مرمتی اورجدیدخطوط پراستوارکرنے کیلئے اظہاردلچسپی کی پیشکش کی ہے۔اس منصوبے سے وزیراعظم نوازشریف کے ترقی یافتہ اور معاشی طورپرمضبوط پاکستان کے خواب کو عملی جامہ پہنانے میں مدد ملے گی۔
اسلام آباد (ویب ڈیسک) وزیر مملکت برائے اطلاعات ونشریات مریم اورنگزیب نے کہا ہے کہ جب کرپشن کی گئی ہو تب ہی استثنٰیٰ اور دائرہ کار چیلنج کیا جاتاہے ۔پارٹی فنڈنگ میں کرپشن پر عمران خان پوری قوم کو جواب دیں ۔ ان خیالات کا اظہار انہوں نے پیر کے روز فنڈنگ کیس میں عمران خان کے وکیل کی طرف سے الیکشن کمیشن کو چیلنج کرنے کے بعد نجی ٹی وی سے گفتگو میں کیا ۔ وزیر اطلاعات مریم اورنگزیب نے کہا ہے کہ پونے 2سال سے کیس الیکشن کمیشن میں ہے اور اتنے عرصے بعد آج الیکشن کمیشن کو چیلنج کرنے کا مطلب ہے عمران خان نے چوری کی ہے تبھی وہ تلاشی نہیں دے رہے۔ انہوں نے کہا ہے عمران خان پارٹی فنڈنگ میں کرپشن پر پوری قوم کو جواب دیں۔ انہوں نے مزید کہا کہ ادارے مستحکم ہورہے ہیں کسی کی خواہش پر فیصلہ نہیں دیا جاسکتا اور ادارے کی تضحک کرنے سے کسی کا چہرہ صاف نہیں ہوگا۔ زکواة اور خیرات کو زمینوں کے کاروبار میں استعمال کرنے کاحساب دینا ہوگا۔خان صاحب سینہ زوری سے چوری نہیں چھپاسکتے ۔
لاہور(ویب ڈیسک)پنجاب پولیس کے آئی جی مشتاق سکھیر سمیت تمام اہلکاروں نے زیتون رنگ کی وردی زیب تن کرلی جبکہ کالی وردی کا59 سالہ سفر ختم ہوگیا۔میڈیا رپورٹس کے مطابق پاکستان بننے کے کچھ سالوں بعد سے سیاہ شرٹ اور خاکی پینٹ پنجاب پولیس کا یونیفارم تھا۔ 59 سال بعد کالی وردی ختم، پنجاب پولیس کے اہلکاروں نے نئی یونیفارم پہن لی ۔ سیاہ شرٹ اور خاکی پینٹ کی جگہ زیتون رنگ کی نئی وردی نے لے لی۔ لاہور پولیس کو بیالیس ہزار کے قریب وردیاں فراہم کر دی گئی ہیں۔ اہلکار نئی وردی کو زیادہ عمدہ اور آرام دہ قرار دیتے ہیں جبکہ عوام امید رکھتے کہ وردی کے ساتھ پولیس کا روایتی کلچر بھی تبدیل ہو گا۔
شکاگو سٹی(ویب ڈیسک)شکاگو میں پولیس نے 15 سالہ لڑکی پر جنسی حملہ کرنے اور اس واقعے کو فیس بک پر لائیو نشر کرنے کے الزامات کے تحت چودہ سالہ لڑکے کو گرفتار کیا ہے۔جنسی حملے کے علاوہ ‘چائلڈ پورنوگرافی’ یا بچوں کی فحش ویڈیوز بنانے اور انہیں عام کرنے کے الزامات کا سامنا کرنے والے اس لڑکے کا نام کم عمر ہونے کی وجہ سے ظاہر نہیں کیا گیا ہے۔میڈیارپورٹس کے مطابق گزشتہ ماہ پانچ سے چھ افراد نے مبینہ طور پر اس لڑکی پر جنسی حملہ کیا تھا۔اطلاعات کے مطابق فیس بک پر اس مبینہ جنسی حملے کی ویڈیو چالیس لوگوں نے دیکھی لیکن کسی نے بھی پولیس کو اس واقعے سے آگاہ نہیں کیا۔لیکن ایک نوجوان نے اس لڑکی کے ایک رشتہ دار کو واقعے کی اطلاع دی۔اس رشتے دار کا کہنا تھا کہ بالغ افراد نے یہ ہوتے دیکھا لیکن کسی نے اس واقعے کو رپورٹ کرنے کی زحمت نہیں کی۔یہ لڑکی 19 مارچ کو اپنی فیملی کے ساتھ چرچ گئی جس کے بعد اسے اس کے گھر کے پاس اتارا گیا تھا لیکو وہ اس کے بعد لاپتہ ہوگئی۔ اسے 21 مارچ کو مبینہ جنسی حملے کے بعد تلاش کر لیا گیا تھا۔اس کے خاندان کو دھمکیاں ملنے کے بعد انہیں کسی دوسری جگہ پر منتقل کر دیا گیا ہے۔ پولیس اس سلسلے میں مزید گرفتاریاں کرنے کی توقع کر رہی ہے۔فیس بک کی ترجمان کے بقول ‘اس طرح کے جرائم خوفناک ہیں اور ہم فیس بک پر ایسے مواد کی اجازت نہیں دے سکتے۔ان کا کہنا تھا کہ ہم فیس بک پر لوگوں کو محفوظ رکھنے کے ذمہ دار ہیں اور وہ تمام ویڈیوز ہٹائیں گے جن میں جنسی تشدد دکھایا گیا ہو اور جو ویڈیوز تشدد کو پھیلانے کے لیے شیئر کی جا رہی ہوں۔
