کراچی(ویب ڈیسک)گورنر سندھ محمد زبیر نے کہا ہے کہ صوبہ میں امن و امان کے قیام کے بعد حکومت کی بھرپور توجہ انفرااسٹرکچر ڈیویلپمنٹ ، تعلیم ،صحت ، پینے کے صاف پانی سمیت بنیادی انسانی ضروریات کی فراہمی ہے با الخصوص غربت اور بے روزگاری کے خاتمہ کے لئے بھرپور اقدامات کئے جارہے ہیں اس ضمن میں حکومت کے بھرپور تعاون کے باعث نجی شعبہ مزید فعال ہو گیا ہے رواں برس نجی شعبہ میں 50 ہزار سے زائد روزگار کے مواقع میسر آئیں گے ۔ صنعتی فعالیت سے معاشی خوشحالی یقینی ہے ، صوبہ میں صنعتی فعالیت کو یقینی بنانے کے لئے حکومت صنعتی علاقوں میں انفرااسٹرکچر کی بحالی کے ساتھ ساتھ تیز رفتار ذرائع آمد رفت کےلئے بھی ضروری اقدامات اٹھارہی ہے ۔ ان خیالات کا اظہار انہوں نے گورنر ہاﺅس میں106 ویں نیشنل مینجمینٹ کورس کے شرکا ءسے گفتگو کرتے ہوئے کیا ۔ اس موقع پر پرنسپل سیکریٹری محمد صالح احمد فاروقی بھی موجود تھے ۔ملاقات میں ملک کی مجموعی اقتصادی صورتحال،ہمسایہ ممالک سے پاکستان کے سفارتی تعلقات ،ان میں مزید اضافہ کے اقدامات،دہشت گردی کے خلاف جنگ میں پاکستان کے کردار اور باہمی دلچسپی کے دیگر امور پر تبادلہ خیال بھی کیا گیا۔گورنر سندھ نے کہا کہ جغرافیائی اہمیت کے باعث نہ صرف جنوبی ایشیا بلکہ پوری دنیا کے امن کے لئے پاکستان کا کردار نہایت اہم ہے،پاک چین اقتصادی راہداری منصوبہ پاک چین دوستی کا عظیم الشان شاہکار ہے ، سی پیک پورے خطہ کے لئے گیم چیلنجر کی حیثیت رکھتا ہے ، سی پیک کی تکمیل سے پاکستان میں ترقی و خوشحالی کے نئے دور کا آغازہوگا اور روزگار کے مواقع پیدا ہوگے ۔ انہوں نے کہا کہ ملک کا اقتصادی مستقبل کراچی کی معاشی ترقی میں مضمر ہے، بڑے صنعتی مراکز اور کاروباری اداروں کے باعث کراچی کو ملک کا معاشی حب ہونے کا اعزاز حاصل ہے، امن و امان کے قیام کے بعد کراچی سرمایہ کاری کے لئے آئیڈیل شہر بن چکا ہے، کراچی کو عالمی معاشی نقشہ پر نمایاں جگہ دلوانے کےلئے مشترکہ کاوشوں کی ضرورت ہے ۔انہوں نے مزید کہا کہ بہتر نظم و نسق کے نت نئے چیلنجر سے نمٹنے کے لئے افسران کی مسلسل تربیت نہایت اہمیت کی حامل ہے اس طرح کے کورسز سے افسران کی انتظامی صلاحیتوں میں اضافہ ہوتا ہے ، عوامی مسائل کے حل میں افسران کا کردار سب سے اہم ہوتا ہے اہل افسران کسی بھی حکومت کا اثاثہ ہوتے ہیں کیونکہ ان کی کارکردگی حکومت کی کامیابی کیلئے ضروری ہوتی ہے۔ وفد کے اراکین نے گورنر سندھ سے صوبہ کی سیاسی صورتحال،ترقیاتی منصوبوں ،امن و امان ، کراچی میں سرمایہ کاری کی حوصلہ افزائی کیلئے کئے جانے والے اقدامات اور گورنر کے آئینی کردار اور ذمہ داریوں کے حوالے سے سوالات بھی کئے۔

کراچی (ویب ڈیسک)رینجرز نے کراچی کے مختلف علاقوں میں کارروائیوں کے دوران 8 ملزمان گرفتار کرکے اسلحہ برآمد کیا گیا ہے۔ترجمان رینجرز کے مطابق رینجرز نے مختلف علاقوں میں کارروائیاں کرکے 8ملزمان گرفتار کر لیے،جو بھتا خوری، سہولت کاری سمیت متعدد جرائم میں ملوث ہیں،ملزمان کے پاس سے اسلحہ بھی برآمد کیا گیا ہے۔رینجرز نے بلوچ کالونی میں کاروائی کرکے ملزم عدیل عرف ناکا کوگرفتار کرلیا، ملزم عدیل کا تعلق کالعدم سپاہ صحابہ سے ہے،لیاقت آباد سپرمارکیٹ سے 2 ڈکیت شہزاد اور وکاش پکڑے گئے ۔سپرمارکیٹ اور محمودآباد سے 5 منشیات فروش گرفتار کیے گئے، گرفتار6 ملزمان کو پولیس اور 2 کو اے این ایف کے حوالے کردیا گیا۔

کراچی (ویب ڈیسک)اپوزیشن جماعتوں نے آئی جی سندھ اے ڈی خواجہ کی ہائیکورٹ کے ذریعے بحالی پر رد عمل دیتے ہوئے کہا کہ پیپلزپارٹی اپنا ایجنڈا چلانے اورپسند و نا پسند کی بنیاد پر افسران کی تقرری بند کرے ۔متحدہ قومی موومنٹ(پاکستان)کے رہنما فیصل سبزواری نے کہا کہ سندھ حکومت کے طریقہ کار پر عدالتیں سوالات اٹھارہی ہیں،پی پی کی حکومت من پسند افراد کی تقرریاں بند کرے۔انہوں نے مزید کہا کہ واٹرکمیشن ہو، جعلی بھرتیاں اور نوکریاں بیچنے کے ریفرنس ہوں ۔سندھ حکومت پر سوالات اٹھائے جارہے ہیں۔تحریک انصاف کے عمران اسماعیل نے کہا کہ اے ڈی خواجہ کولگانے کے بعدپیپلزپارٹی کواندازہ ہوا کہ ان سے غلطی ہوگئی ہے،ہم اے ڈی خواجہ کے ساتھ ہیں ۔عوامی نیشنل پارٹی کے شاہی سید نے کہا کہ آئی جی کو اپنی نوکری کی فکر رہے گی تو امن وامان کے لیے کیسے کام کرے گا،سندھ حکومت وفاق کو اعتماد میں لیکر کسی کا ٹرانسفر کرے۔

کشمور (ویب ڈیسک)وزیراعلی سندھ سید مراد علی شاہ نے کہا ہے کہ صوبے میں کوئی بیڈ گورننس نہیں،میئر کراچی اپنے اختیارات استعمال کرکے لوگوں کی خدمت کریں۔کشمور میں میڈیا سے گفتگو میں وزیراعلی سندھ نے کہا کہ سندھ میں دو نہیں ایک ہی آئی جی کام کررہا ہے۔انہوں نے مزید کہا کہ میئرکراچی کواپناکام کرناچاہیے، اختیارات نہ ہونے کا شور نہیں مچائیں،کل تک جس قائدکیلئے وہ کام کرتے تھے آج ان کانام لینے سے گریزکرتے ہیں۔

اسلام آباد(ویب ڈیسک) پاکستان تحریک انصاف (پی ٹی آئی) کے چیئرمین عمران خان کی جانب سے عوامی جلسوں اور نیوز کانفرنسز میں پاکستان پیپلز پارٹی (پی پی پی) پر مسلسل تنقید کے بعد پی پی پی کے عہدیداران ¾ پارٹی قیادت کے مقامی سطح پر تحریک انصاف کےساتھ انتخابی اتحاد پر ناراض ہوگئے جس کے بعد انتخابی اتحاد پر نظر ثانی پر غور شروع کر دیا گیا ۔ فرحت اللہ بابر کے مطابق وہ بدھ5 اپریل کو لاڑکانہ میں پیپلز پارٹی کی سینٹرل ایگزیکٹیو کمیٹی کے متوقع اجلاس میں اس معاملے کو اٹھانے کا ارادہ رکھتے ہیں۔ترجمان پی پی پی کے مطابق ذاتی طور پر میں پی ٹی آئی کے ساتھ انتخابی اتحاد کے فیصلے پر نظرثانی کا خواہشمند ہوں لیکن اس بات کا حتمی فیصلہ پارٹی کرےگی۔ان کا کہنا تھا کہ عمران خان کو خود کو درست سمجھے کی عادت اور اپنے آپ پر غور نہ کرنے کی ضد صرف انہیں ہی نقصان پہنچائےگی ¾ ایسے شخص پر صرف افسوس ہی کیا جاسکتا ہے جو مسلسل خود کو نقصان پہنچنے کے دَر پر ہو۔نجی ٹی وی سے گفتگو کزرتے ہوئے پنجاب میں پی پی پی کے صدر قمر زمان کائرہ کا کہنا تھا کہ مستقبل میں کسی بھی حلقے میں پی ٹی آئی سے اتحاد کا فیصلہ کرتے ہوئے ’احتیاط کی جائے گی۔قمر زمان کائرہ کے مطابق انہیں حیرانی ہوئی کہ عمران خان پیپلز پارٹی کو اس جگہ برا بھلا کہہ رہے ہیں جہاں دونوں جماعتوں نے حکمراں جماعت کو مشکل وقت دینے کےلئے اتحاد کیا ہوا ہے۔انہوں نے افسوس کا اظہار کرتے ہوئے کہا کہ پی ٹی آئی چیئرمین کو کسی کا کوئی خیال نہیں ¾ہم کیا کرسکتے ہیں جب عمران خان اپنی جماعت کے لوگوں کی بات تک نہیں سنتے اور انہیں بھی عوامی سطح پر شرمندہ کردیتے ہیںدوسری جانب فواد چوہدری کا کہنا تھا کہ ان کی جماعت نے پیپلزپارٹی سے کوئی رسمی اتحاد نہیں کیا ہے ¾ چکوال میں ہونے والا اتحاد مقامی سطح پر ہونے والا سیٹ ایڈجسٹمنٹ ہے اور اس کا پی ٹی آئی پالیسیوں سے کوئی لینا دینا نہیں۔اس سوال کے جواب میں کہ کیا مقامی سیٹ ایڈجسٹمنٹ عمران خان کی اجازت کے بغیر کی گئی فواد چوہدری کا کہنا تھا کہ یہ ’اصول‘ نچلی سطح پر لاگو نہیں ہوتے جبکہ سیٹ ایڈجسٹمنٹ کے معاملے پر مقامی سیاست کے پہلوو¿ں کو مدنظر رکھنا پڑتا ہے۔

لاہور (ویب ڈیسک)سپیکر قومی اسمبلی سردار ایاز صادق نے کہا ہے کہ ملٹری کورٹس کا فیصلہ مجبوری میں ہوا‘ ہمیں عدلیہ اور اس کے فیصلوں کا احترام کرنا چاہئے‘ وزیراعظم کہہ چکے ہیں وہ عدلیہ کا احترام کرتے ہیں‘ عدالتی فیصلے مانیں گے‘ اربوں ڈالر کی سرمایہ کاری پاکستان میں آرہی ہے‘ اقتصادی راہداری پاکستان کے لئے بہت مفید ہے‘ آرمی چیف سے کوئی بھی مل سکتا ہے کوئی رکاوٹ نہیں۔ پیر کو لاہور میں میڈیا سے گفتگو کرتے ہوئے انہوں نے کہا کہ ملٹری کورٹس کا فیصلہ مجبوری میں ہوا کوشش ہوگی کہ آنے والے دنوں میں حالات بہتر کردیں۔ وزیراعظم کہہ چکے ہیں کہ وہ عدلیہ کا احترام کرتے ہیں۔ عدالتی فیصلے مانیں گے۔ انہوں نے کہا کہ ہمیں عدلیہ اور اس کے فیصلوں کا احترام کرنا چاہئے۔ ہمیں نکتہ چینی کی بجائے ایک دوسرے پر اعتماد کرنا چاہئے۔ اربوں ڈالر کی سرمایہ کاری پاکستان میں آرہی ہے۔ سپیشل اور صنعتی زونز میں انڈسٹری لگانے والوں کو مراعات دیںگے۔ ایاز صادق نے کہا کہ اقتصادی راہداری پاکستان کے لئے بہت مفید ہے آرمی چیف سے کوئی بھی مل سکتا ہے کوئی رکاوٹ نہیں۔