Monthly Archives: April 2017

پاکستان

تبدیلی آگئی, چین سے معاہدہ ہوتے ہی خیبرپختونخوا میں ”گدھے“ مہنگے

پشاور (خصوصی رپورٹ) خیبر پی کے میں گدھوں کی قیمتوں میں اضافہ کر دیا گیا ہے اور سرمایہ کاروں نے ایکسپورٹ کے حوالے سے گدھوں میں سرمایہ کاری شروع کر دی گئی ہے۔ صوبے میں گدھوں کی خریداری کی سب سے بڑی مارکیٹ جنوبی اضلاع، پشاور ڈویژن، مردان ڈویژن ہے‘ تاہم چینی حکومت کے ساتھ ممکنہ معاہدے کے پیش نظر گدھوں کے ایکسپورٹ کے پیش نظر اس کی قیمتوں میں اضافہ کے ساتھ ساتھ بڑی مقدار میں افزائش نسل کے حوالے سے گدھوں کا سٹاک کیا جا رہا ہے۔ پشاور سمیت صوبے میں گدھوں کے 80 بڑے خریدار موجود ہیں معیاری گدھے کی قیمت پچاس ہزار روپے سے ڈیڑھ لاکھ روپے تک ہے۔

اہم خبریں

افغان فو جی ہیڈکوارٹر پر حملہ, آرمی چیف کا بڑا اعلان

راولپنڈی (بیورورپورٹ) آرمی چیف جنرل قمر جاوید باجوہ نے افغان آرمی کے کور ہیڈ کوارٹر پر دہشتگردوں کے حملے کے شدید الفاظ میں مذمت کی ہے۔ پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید نے افغان شہر مزار شریف میں آرمی کے کور ہیڈکوارٹر پر دہشتگردوں کے حملے کی شدید الفاظ میں مذمت کی ہے اور قیمتی انسانی جانوں کے ضیاع پر اظہار افسوس کیا ہے۔ انہوں نے اپنے بیان میں افغان سیکیورٹی فورسز اور برادر افغان قوم سے اظہار یکجہتی کیا۔ آرمی چیف کا کہنا تھا کہ دہشتگرد ہمارے مشترکہ دشمن ہیں اور ہم انہیں شکست دیں ہوگی۔ واضح رہے کہ گزشتہ روز نماز جمعہ کے دوران افغان طالبان کے 10 جنگجوں نے آرمی کی وردیاں پہن کر مزار شریف میں واقع افغان نیشنل آرمی کی 209 ویں شاہین کور پر بھاری ہتھیاروں سے حملہ کیا تھا جس کے نتیجے میں 140 سے زائد فوجی ہلاک ہوئے تھے جبکہ ہلاکتوں میں مزید اضافے کا خدشہ بھی ظاہر کیا جا رہا ہے۔

پاکستان

”مشال کو ڈھونڈو جہاں ملا قتل کر دینگے“ سنسنی خیز ویڈیوں میں قاتلوں کا بیان

مردان (مانیٹرنگ ڈیسک) مشال قتل کیس کی مزید تین تہلکہ خیز ویڈیو سامنے آگئی ہیں جس میں مشتعل طلبا مشال کو ڈھونڈنے اور قتل کرنے کی منصوبہ بندی کر رہے ہیں ۔نجی ٹی ویکے مطابق مردان کی عبدالولی خان یونیورسٹی میں شعبہ ابلاغیات کے طالب علم مشال خان قتل کیس کے حوالے سے مشتعل ہجوم کی تین مزید ویڈیوز منظر عام پر آگئی ہیں جن میں طلبا اسے قتل کرنے کی پلاننگ کر رہے ہیں اور نعرے لگا رہے ہیں کہ سب جائیں گے اور کسی صورت پیچھے نہیں ہٹیں گے ۔ذرائع کا کہنا ہے کہ ان ویڈیو ز میں مشتعل طلبا چیخ چیخ کر کہہ رہے ہیں کہ آ مشال خان کو ہر جگہ ڈھونڈتے ہیں اور اگر جیل میں بھی ہوا تو نہیں چھوڑیں گے ،جہاں ملا قتل کر دیں گے ۔ان میں سے 2ویڈیوز جرنلزم ڈیپارٹمنٹ میں بنائی گئی ہیں جبکہ ایک ویڈیو مشال خان کے ہاسٹل کے قریب موجود گرانڈ میں کھڑے مشتعل طلبا کی ہے جن میں وہ پشتو زبان میں کہہ رہے ہیں کہ حکومت کے ساتھ مذاکرات بھی نہیں کریں گے اور مشال خان کے ساتھ کوئی نرمی نہیں برتی جائے گی ۔ جیل میں بھی ہوا تو نہیں چھوڑیں گے ۔ذرائع کا کہنا ہے کہ تینوں ویڈیوز تحقیقاتی اداروں کے پاس ہیں جو ان کی تحقیقات کر رہی ہیں اور اس کے بعد مشال قتل کیس میں مزید گرفتاریاں عمل میں آنے کا امکان ہے۔

انٹر نیشنل, اہم خبریں

امر یکی نان نیو کلیئر بم حملہ, پاکستان مخالف سر گر میو ں میں ملوث 15بھار تی جا سوس بھی مارے گئے

کابل/اسلام آباد (آئی این پی، مانیٹرنگ ڈیسک) افغانستان کے مشرقی صوبہ ننگرہار میں امریکی ناننیوکلیئربم حملے میں 15بھارتی جاسوسکی ہلاکت کا انکشاف ہوا ہے جن میں سے چند افراد کا تعلق بھارتی خفیہ ایجنسی “را”سے تھا اور وہ پاکستان مخالف سرگرمیوں میں ملوث تھے۔ میڈیا رپورٹس کے مطابق افغان مشرقی صوبہ ننگرہار میں امریکی نان نیوکلیئربم حملے میں 15بھارتی شہریوں کی ہلاکت کا بھی انکشاف ہوا ہے۔ انٹیلی جنس اداروں کی رپورٹ میں یہ بات سامنے آئی ہے کہ ننگرہار میں ہلاک ہونے والے بھارتی شہری پاکستان مخالف سرگرمیوں میں ملوث تھے اور ہلاک افراد میں چند کا تعلق بھارتی خفیہ ایجنسی “را” سے تھا۔ ذرائع کے مطابق ”را“ اہلکار افغان خفیہ ادارے این ڈی ایس کےساتھ مل کرکام کررہے تھے۔ واضح رہے کہ13اپریل کو امریکی افواج نے افغانستان کے مشرقی صوبے ننگرہار میں داعش کے ٹھکانے پر اپنے ذخیرے کا سب سے بڑا غیر جوہری بم جی بی یو 43 گرایا تھا ۔ پنٹا گون حکام نے بتایا تھا کہ پاکستانی سرحد سے ملحق ننگرہار کے علاقے میں داعش کی سرنگوں اور غار کو توڑنے کیلئے گرایا جانے والے بم کا نام جی بی یو۔ 43 ہے جسے بموں کی ماں بھی کہا جاتا ہے۔ یہ غیر جوہری سب سے بڑا بم ہے جسے امریکہ نے کسی جنگ میں پہلی مرتبہ استعمال کیا ہے وائٹ ہاﺅ س کے پریس سیکرٹری سین سپائر نے معمول کی بریفنگ کے دوران بتایا کہ یہ بم افغانستان کے مقامی وقت کے مطابق بدھ کی شام سات بجے گرایا گیا۔ یہ ایک بڑا، طاقتور اور انتہائی درست نشانہ لگانے والا ہتھیار ہے۔ ترجمان کا کہنا تھا کہ پاکستان سے ملحق سرحد کے قریب غاروں میں سرنگیں کھود کر دہشت گردوں نے خفیہ پناہ گاہیں بنا رکھی ہیں جنہیں وہ افغانستان کے علاوہ پاکستان پر حملوں کیلئے بھی استعمال کرتے ہیں۔ افغانستان میں امریکی فورسزنے ایک بیان میں کہاہے کہ صوبہ ننگرہارمیں GBU-43/Bمیسوآرڈیننس ایئربلاسٹ بم ضلع آشن میں ایک ٹنل کمپلیکس پر گرایا گیا ،بم 9800کلوگرام وزنی ہے ۔ امریکی اور افغان حکام نے بم حملے میں 90سے 95دہشتگردوں کے مارے جانے کی تصدیق کی تھی جبکہ ایک رپورٹ میں کہا گیا تھاکہ ننگر ہار کے ضلع اچین کے علاقے مہنددرہ پر امریکہ کی جانب سے سب سے بڑے غیر ایٹمی بم گرائے جانے کے ایک ہفتہ بعد داعش کے تباہ ہونے والے مرکز کے ملبے سے 13 بھارتی باشندوں کی لاشیں برآمد ہوئی ہیں جن کا تعلق کیرالہ سے ہے اور وہ ہندو ہیں۔ یہ افراد بھارتی سکیورٹی فورس کے اہلکار تھے جو پاکستان کے خلاف سازشوں اور داعش کارندوں کو تربیت دینے کیلئے اس مرکز میں آئے تھے۔ افغان حکام نے ان لاشوں کو کابل منتقل کرنے کے بعد بھارتی سفارتخانے سے رابطہ کیا ہے لیکن بھارتی سفارتخانے نے تاحال لاشوں کو وصول کرنے کے بارے میں کوئی ردعمل ظاہر نہیں کیا ہے۔

انٹر نیشنل, اہم خبریں

ٹرمپ کا ”ایران“ سے جوہری ڈیل بارے اہم اعلان

واشنگٹن(این این آئی)امریکی صدر ڈونلڈ ٹرمپ نے کہا ہے کہ عالمی طاقتوں کے ساتھ طے پانے والی ایرانی جوہری ڈیل کے معیار پر ایران پورا نہیں اترا رہا ہے اور اس مناسبت سے ا±ن کی حکومت جلد ہی کوئی واضح موقف اختیار کرے گی۔میڈیارپورٹس کے مطابق ایک بیان میں کہاکہ ٹرمپ نے جوہری ڈیل کو انتہائی خراب معاہدہ بھی قرار دیا ۔ امریکی صدر نے اپنی قومی سلامتی کونسل کو جوہری ڈیل پر نظرثانی کی ہدایت کی ہے تا کہ ا±س کی روشنی میں ا±ن کی حکومت اپنا موقف وضع کر سکے۔ دوسری جانب امریکی وزارت خارجہ کا کہنا تھا کہ ایران اس معاہدے پر عمل کر رہا ہے۔ دو روز قبل بدھ کو امریکی وزیر خارجہ ریکس ٹلرسن نے بھی اس ڈیل کو ایک ناکام ڈیل قرار دیا تھا۔

اہم خبریں

کسی کو عدالتوں پر حملہ آور ہونے کی اجازت نہیں, پانامہ فیصلے پر بحث گمراہ کن

اسلام آباد (مانیٹرنگ ڈیسک) سپریم کورٹ جج جسٹس عظمت سعید شیخ نے پانامہ فیصلے پر میڈیا اور عوام کی طرف سے کی جانیوالی بحث کو ناقص معلومات پر مبنی اور گمراہ کن قرار دیدیا ہے۔تفصیلات کے مطابق پانامہ کیس کا فیصلہ سنانے والے بنچ کے رکن جسٹس عظمت سعید شیخ نے پانامہ فیصلے کے معاملے کو میڈیا اور عوام کی طرف سے بحث کا حصہ بنائے جانے اور باتوں پر تنقید کرتے ہوئے اسے ناقص معلومات پر مبنی اور گمراہ کن قراردیدیا ہے۔ جسٹس عظمت سعید شیخ 40 صفحات پر مبنی اضافی نوٹ میں لکھا کہ مشاہدہ کیا گیا کہ کہ پانامہ کے معاملے نے کسی کی بھی توقعات کے سے زائد میڈیا اور لوگوں کو اپنی طرف متوجہ کیا ہے۔ انہوں نے مزید لکھا کہ ہر شام میڈیا پر قانون نکتوں کو زیر بحث لانا اور فیصلے سے متعلق غلط پیشگوئیاں ہوتی رہی ہیں اور جو بھی رائے کا اظہار کیا جاتا رہا ہے بد قسمتی سے وہ حقائق کے بالکل برعکس ہیں اور عوام اور میڈیا پر ہونے والی ایسی تمام افواہوں اور غلط باتوں کو روکنے کی ضرورت ہے“۔ جسٹس عظمت کی طرف سے اس بات کا بھی اظہار کیا گیا کہ ”آزادی اظہار اور کا حق اسلامی جمہوریہ پاکستان کا آئین آرٹیکل 19 کے تحت ہر کسی کو دیتا ہے اور 1973ءکے اس قانون کے تحت یہ عدالت بھی اس قانون کو مانتی ہے اور عملدرآمد پر یقین رکھتی ہے“،کھلی کچہری ہمارے قانونی نظام کی روح ہے اور عدالت میں جاری سماعت کے بارے باتیں کرنا اور مختلف آرائ کا اظہار کرناکھلی کچہری کی سوچ کی نفی کرتی ہے،ساری تنقید کو کو مد نظر رکھتے ہوئے تھوڑی سی تنقید بھی ادارے کے لئے بہت نقصان دہ ثابت ہوسکتی ہے“۔انہوں نے کہا کہ مضبوط جذبات کا اظہار دونوں اطراف سے کیا جاتا رہا ہے لیکن”یہ عدالت کسی کو بھی اپنے اوپر حملہ آور ہونے کی اجازت نہیں دے سکتی اور اپنے حلف کی پاسداری کرتی رہیں گے“۔جسٹس عظمت سعید شیخ نے مزید کہا کہ ”چاہے فیصلوں کو مقبولیت نہ ملے اور پسند نہ کیا جائے مگر تمام مقدموں کا فیصلہ بغیر کسی ڈر اور کسی کو بھی فیور دینے کیلئے نہیں دیا جاتا“۔’بدقسمتی سے جو باتیں کی جارہی ہیں وہ اور رائے کا اظہار کیا جارہا ہے وہ حقائق کے برعکس ہے،بدقسمتی سے اکثر اوقات عدالت میں کی گئی قانونی باتوں کو لوگوں کی طرف ناقص اور کم علمی کے باعث عوام میں مختلف متن اور پیرائے میں ڈسکس کیا جاتا ہے اور اسی وجہ سے یہ ضروری بن گیا ہے کہ ایسی باتوں کا قلع قمع کرنے کے لئے واضح طور پر بتا دیا جائے تاکہ کسی کو مغالطہ لگنے کا خدشہ نہ رہے“۔

شوبز

سوناکشی سنہا کی فلم ”نور“ آج ریلیز ہو گی

کراچی (شوبز ڈیسک)سوناکشی سنہا کی فلم ”نور“ آج ریلیز ہو گی۔پاکستانی ناول کراچی یو آر کلنگ می پر مبنی بالی ووڈکی نئی فلم نورآج سے سینما گھروں میں ریلیز ہو گی۔فلم میں بالی ووڈ کی دبنگ گرل سوناکشی سنہا اپنے مداحوں کو صحافی کے روپ میں نظر آئیں گی ۔ سن 2014میں شائع ہونے والے ناول کراچی یو آر کلنگ می کی کہانی ایک خاتون صحافی کے گرد گھومتی ہے۔ سنہیل سپی کی ہدایتکاری میں بننے والی ڈرامہ فلمنور میں سوناکشی سنہا نور نامی صحافی کے مرکزی کردار ادا کریں گی جو بھارتی شہر ممبئی سے تعلق رکھتی ہے ۔

اہم خبریں

اپوزیشن جماعتیں حکومت مخالف گرینڈ الائنس بنانے کےلئے متحرک

کراچی (وحید جمال)طویل انتظار کی بعد عدالت عظمیٰ نے پاناما کیس کے مقدمے کا جو فیصلہ سنادیا ہے اس کے بعد سیاسی ماحول ایک بار پھر محاذ آرائی کی جانب بڑھتا دکھائی دے رہاہے قانون ماہرین کے مطابق یہ فیصلہ عوام کو مطمئن نہیں کرسکا ملک کی اپوزیشن جماعتوں نے بھی وزیر اعظم پردباﺅ بڑھادیا ہے صدر سپریم کورٹ بار سمیت صدر ہائی کورٹ بار لاہور کے صدر نے بھی وزیر اعظم کو مستعفی نہ ہوئے تو ان کیخلاف ایک ہفتے بعد ملک گیر تحریک چلائی جائے گی ۔ عدالت عظمیٰ کے دو سینئر جسٹس نے واضح طورپر اپنے اختلافی نوٹ میں لکھا ہے کہ ان کی باتوں میں تضاد تھا اس لئیے وہ صادق امین نہیں رہے جو اسمبلی کی رکنیت کیلئے ضروری ہے گذشتہ روز قومی اسمبلی اور سینٹ کے اجلاس میں بھی اپوزیشن کی جانب سے گو نواز گو کے نعرے لگائے گئے اور متفقہ طورپر جے آئی ٹی کو مسترد کردیا سندھ اسمبلی کے اجلاس میں بھی وزیر اعظم کے عہدے سے مستعفی ہونے کی تحریک اور قرارد اد بھی متفقہ طورپر منظور کرالی گئی ہے ۔ مبصرین کے مطابق اس صورتحال کے تناظر میں ضروری ہے کہ وزیر اعظم جے آئی ٹی کی شفافیت اور اس پر اثر انداز ہونے کے خدشات کا تدارک کریں صورتحال کو معمول پر لانے کیلئے کوئی کلیدی اور قابل عمل فیصلہ کریں ذرائع کے مطابق پانا ماکیس فیصلے کے بعد سیاسی جماعتوں کا حکومت مخالف گرینڈ الائنس تشکیل دینے پر غور کیاجارہاہے حکومت کیخلاف احتجاج کی حکمت عملی طے کرنے کیلئے بلائے گئے اجلاس میں ایم کیوایم پاکستان اے این پی اور فاٹا کے ارکان پارلیمنٹ نے شرکت نہیں کی قومی و سینٹ میں اپوزیشن جماعتوں کے ہونے والے اجلاس میں ایم کیوایم پاکستان اے این پی اور فاٹا کے ارکان پارلیمنٹ کی عد م شرکت پر تشویش کا اظہار کیاگیا اور اپوزیشن جماعتیں موجودہ ملکی صیاسی صورتحال کے تناظر میں گرینڈ الائنس بنانے میں متحرک نظر آتی ہیں ملک کی دو بڑی سیاسی جماعتوں نے بیک دوڑ رابطے شروع کردیئے ہیں ذرائع کے مطابق کوشش کی جارہی ہے کہ پاکستان تحریک انصاف کے چیئرمین عمران خان اور پاکستان پیپلزپارٹی پارلیمنٹیرین کے سربراہ آصف علی زرداری کے درمیان ملاقات کرائی جائے تاکہ مشترکہ احتجاج اور دھرنے کی پالیسی بھی مرتب کی جاسکے دونوں سیاسی جماعتوں کے اہم ذرائع کے مطابق پیپلزپارٹی کے سینئر رہنما قائد حزب اختلاف سید خور شید شاہ اور پاکستان تحریک انصا کے رہنما شاہ محمود قریشی کے درمیان جلد ملاقات کا امکان ہے ایک نکاتی ایجنڈے پر پاکستان عوامی تحریک کا بھی اتحاد خارج ازمکان قرار نہیں دیا جاسکتا اہم ذرائع کے مطابق پاکستان عوامی تحریک عنقریب وزیر اعظم کے مستعفی ہونے کے مطالبے پر متوقع حکومت مخالف گرینڈ الائنس کا حصہ ہوگی ۔

اہم خبریں

وزیراعظم ” نواز شریف“ کا یوم ارض کے موقع پرخصوصی پیغام

اسلام آباد (اے پی پی) وزیراعظم محمد نواز شریف نے صوبائی اور علاقائی حکومتوں کے تعاون سے ماحول اورقدرتی وسائل کے تحفظ کےلئے حکومت کے عزم کا اعادہ کیا ہے۔ ہفتہ کو عالمی یوم ارض کے موقع پر اپنے پیغام میں انہوں نے زور دیا کہ خوشحالی کےلئے قدرتی سرمائے کا تحفظ ہماری ذمہ داری ہے۔انہوں نے کہا کہ شہریوں کی جانب سے جتنا بھی کردار ادا کیا جائے گا اس کے جلد اثرات نمودارہوں گے۔ انہوں نے صوبائی اورمقامی حکومتوں کے تعاون سے ماحول اورقدرتی وسائل کے تحفظ کےلئے حکومت کے عزم کا اعادہ کیا اور بالخصوص ہریالی میں اضافہ کی اہمیت اورحیاتیاتی نظام میں تنوع کے تحفظ پر زوردیا۔ انہوں نے امید ظاہرکی کہ حکومت اور سول سوسائٹی کے درمیان تعاون سے گرین پاکستان پروگرام کے تحت پاکستان میں یوم ارض منانے کے بنیادی اہداف کو تیزی سے حاصل کرنے میں آسانی ہوگی۔

اہم خبریں, پاکستان

زرداری منافق نہیں ”ڈاکو“, اب پیچھا نہیں چھوڑوں گا

دادو (مانیٹرنگ ڈیسک) پاکستان تحریک انصاف کے سربراہ عمران خان نے کہا ہے کہ آصف زرداری اور نواز شریف ایک ہی سکے کی دو رخ ہیں ، دونوں نے کرپشن اور منی لانڈرنگ کے لئے باریاں لگائی ہوئی ہیں۔نواز شریف معصوم شکل کے پیچھے کرپٹ انسان ہیں، ان کی معصومیت پر خواتین ترس کھاتی ہیں ، زرداری نے کبھی اپنا ڈاکو پن چھپانے کی کوشش نہیں کی یہ منافق سیاست دان نہیںہے۔ پانامہ لیگ سے فارغ ہوگیا ہوں اب سندھ کے حقوق کے لئے نکلوں گا، انہوں نے 28اپریل کو اسلام آباد میں جلسے کا اعلان بھی کردیا۔ دادو میں جلسہ عام سے خطاب کرتے ہوئے پاکستان تحریک انصاف کے سربراہ عمران خان نے وزیر اعظم پاکستان میاں محمد نواز شریف، آصف زرداری اور مولانا فضل الرحمان کو تنقید کا نشانہ بناتے ہوئے کہا کہ ساری دنیا کہتی ہے کہ دو افراد پاکستان کے شاطر سیاست دان ہیں ایک زرداری اور ایک فضل الرحمان، زرداری کو سب ڈاکو کہتے ہیں، مولانا فضل الرحمان اسلام کے نام پر سیاست کرکے بڑا بڑا منہ کھولتے ہیں تو ڈیزل ڈیزل کے نعرے لگتے ہیں۔ لومڑی کی طرح سیانہ سیاست دان نواز شریف تھا۔ نواز شریف معصوم شکل بنالیتا تھا، عورتیں ترس کھاتی تھیں۔ پاناماکیس سے پہلے نوازشریف مظلوم بنتاتھا۔ نوازشریف کی بدقسمتی ہے کہ پاناماکیس میں اس کا نام آگیا۔ سپریم کورٹ کا جو فیصلہ آیا، اللہ کاشکر ادا کرتا ہوں۔ سپریم کورٹ کے فیصلے سے نواز شریف کا اصل چہرہ سامنے آگیا۔ فیصلہ آنے کے بعد وزیراعظم کی اخلاقی حیثیت ختم ہوگئی ہے۔ پوری کوشش کی ہے کہ نوازشریف اسمبلی میں جواب دیں۔ آصف علی زرداری کو مخاطب کرتے ہوئے عمران خان نے کہا کہ کل آصف زرداری نے میرے متعلق ایک بات کہی، آصف زرداری نے کہا میں سیاسی سمجھ نہیں رکھتا۔ انہوںنے اپنی سیاسی سمجھ سے پیپلزپارٹی کو چھوٹی جماعت بنادیا۔ آصف زرداری کی سیاسی بصیرت کی مثال کہیں نہیں ملتی۔ پیپلزپارٹی کو ڈکٹیٹر نہیں ہلا سکے، لیکن زرداری نے وہ کام کر دکھایا۔ آصف زرداری کو لوگ ڈاکوکہتے ہیں۔ اللہ مجھے ایسے عقل مند سیاست دانوں سے بچائے۔ آصف زرداری میں سندھ میں آگیاہوں، آصف زرداری سے پوچھیں کہ پیسا کہاں سے آیا؟ بڑے ڈاکو آپس میں ملے ہوئے ہیں۔ کرپشن نے قوم کو تباہ کردیا، لوٹ مارکی وجہ سے عوام غریب ہوگئی ہے۔ سڑکیں، ہسپتال، تعلیمی نظام سب تباہ ہوگیاہے۔ سربراہ تحریک انصاف کا مزید کہنا تھا کہ حکمران پاکستان کولوٹ رہے ہیں، قوم کا پیسا لوٹاگیا، اسی لیے ہم مقروض ہوئے، غریب مزید غریب ہوگیا، پولیس چوروں کو پکڑنے کے بجائے انہیں سکیورٹی دیتی ہے۔ میری جنگ کرپٹ لوگوں کےخلاف ہے، اب ملک میں کرپٹ طبقے اور مظلوم عوام کی جنگ ہوگی، پورے پاکستان میں جائیں گے، سب کوکرپشن کےخلاف اکٹھاکریں گے۔ تحریک انصاف جمعہ کو اسلام آباد سے اپنی مہم کا آغاز کرے گی۔ اسلام آباد میں جلسہ کر رہا ہوں، شرکت کی سب کو دعوت دیتاہوں۔