شیخوپورہ (بیورورپورٹ) شیخوپورہ میں غریب گھرانوں کی خواتین کو کھاتے پیتے گھرانے میں گھریلو ملازمہ کو رکھوانے کی آڑ میں ان کو اغواءکر کے فروخت کرنے کا انکشاف ہوا ہے یہ گروہ خوبرو خواتین کی غربت اور بے چارگی کا فائدہ اٹھا کر انہیں اچھی مراعات دلانے کا جھانسہ دے کر گھروں میں ملازمت پر راضی کرنے کے بعد انہیں جسم فروشی پر مجبور کر دیا جاتا ہے اور لاکھوں روپے کے عوض فروخت کیا جا تا ہے بعض کو بیرون ملک بھی بھیجا جا تا ہے چاچوکے کے محنت کش اشرف کی بیوی یاسمین کوثر اور جواں سالہ بیٹی عطیہ بی بی بھی ایسے ہی گروہ کے ہتھے چڑھ گئیں اور گزشتہ 2ماہ سے غائب ہیں جنہیں منظم گروہ کے ملزم تنویر حسین اور اسکی بیوی نازیہ نے شیخوپورہ میں ایک کوٹھی میں 15ہزار روپے ماہوار تنخواہ اور روٹی کپڑا دینے کا وعدہ دے کر چاچوکی سے شہر لے آئے اور اس دوران محنت کش اشرف نے ملزم تنویر حسین سے رابطہ کر کے اپنی بیوی اور بیٹی سے ملاقات کروانے کو کہا تو ملزم حیلے بہانوں سے کام لیتا رہا کہ مالکن ناراض ہو جائے گی اور بعد ازں انکشاف ہوا کہ ملزم نے ماں اور اس کی بیٹی کو2،2لاکھ روپے کے عوض فروخت کر دیا ہے پولیس نے ملزمان کے خلاف مقدمہ درج کر لیا ہے تاہم نہ ہی یہ گروہ پولیس کی گرفت میں آسکا ہے اور نہ ہی مغویان ماں بیٹی کاسراغ لگایا جا سکا ہے۔
