موقع ملا تو کرینہ کے ساتھ فلم میں کام کرنا چاہوں گا

کراچی (شوبز ڈیسک)ہمایوں سعید بالی ووڈ حسیناﺅں کے دیوانے نکلے ،نامور پاکستانی اداکار ہمایوں سعید نے کہا ہے کہ انہیں بالی ووڈ میں کرینہ کپور بہت پسند ہیں اور اگر انہیں موقع ملا تو وہ کرینہ کپور کے ساتھ فلموں میں کام کرنا چاہیں گے۔پاکستان شوبز انڈسٹری کے صف اول کے اداکار ہمایوں سعید ان دنوں اپنی فلم پنجاب نہیں جا ﺅں گی کی کامیابی کاجشن منارہے ہیں، عید کے موقعے پر ریلیز ہونے والی فلم پنجاب نہیں جاﺅں گی میں ہمایوں سعید کے علاوہ مہوش حیات اور عروہ حسین نے مرکزی کردارادا کیے ہیں۔ایک انٹرویو کے دوران فلم کی کامیابی کے بارے میں بات کرتے ہوئے ہمایوں سعید کا کہنا تھا کہ پنجاب نہیں جاﺅں گی کی پوری ٹیم نے فلم کو بنانے میں کڑی محنت کی تھی جس کا ہمیں بہت اچھا نتیجہ حاصل ہوا ہے، فلم کو شائقین کی جانب سے بے حد پزیرائی مل رہی ہے، لوگ ہمیشہ اچھی اورمعیاری فلمیں دیکھنا پسند کرتے ہیں اورہماری فلم میں یہ سب کچھ موجود ہے۔ پاکستان کی تقریبا تمام بڑی اداکاراں کے ساتھ کام کرنے والے اداکارہمایوں سعید سے جب پوچھا گیا کہ اب وہ مزید کس اداکارہ کے ساتھ کام کرنا چاہتے ہیں۔ تو انہوں نے کہا کہ وہ کرینہ کپورخان کے ساتھ کام کرنا چاہتے ہیں۔ ہمایوں نے مزید کہا کہ کرینہ بہت اچھی اور باصلاحیت اداکارہ ہیں ، کرینہ کے علاوہ انہوں نے بالی ووڈ کی باربی ڈول کترینہ کیف کے ساتھ بھی کام کرنے کی خواہش کا اظہار کرتے ہوئے کہا کہ کترینہ بے انتہا خوبصورت ہیں جب کہ ایشوریا رائے بھی اس فہرست میں شامل ہیں، ایشوریا رائے کی آنکھیں بہت خوبصورت ہیں لہذا اگر انہیں موقع ملا تو وہ ان تین اداکاراں کے ساتھ کام کرنا چاہیں گے۔