شارجہ (ویب ڈیسک) کرکٹ کا شمار دنیا کے مشہور ترین کھیلوں میں ہوتا ہے۔ اس کھیل سے جڑے کھلاڑی عزت، دولت اور شہرت کی بلندیوں کو چھو جاتے ہیں۔ تاہم ماضی میں جب صرف ٹیسٹ کرکٹ کھیلی جاتی تھی تو اس دور میں عزت اور شہرت تو ملتی تھی لیکن دولت کا دور دور تک نام ونشان تک نہیں ہوتا تھا۔ ون ڈے کرکٹ آنے کے بعد کھیل میں سنسنی آئی تو اس کے کھلاڑیوں کی مانگ میں اضافہ ہوا۔ بعد ازاں ٹی ٹونٹی کرکٹ نے تو کھلاڑیوں کے وارے نیارے ہی کر دیے اور انھیں راتوں رات ارب پتی بنا دیا۔اب لگتا ہے کہ ٹی 10 لیگ شروع ہونے سے بھی جہاں کرکٹ کے کھیل میں سنسنی اور دلچسپی بڑھے گی تو وہیں کھلاڑیوں کی دولت میں بھی خوب اضافہ ہو گا۔ اس کا اندازہ آپ اس بات سے لگا سکتے ہیں کہ مراٹھا عریبئنز کے مالک علی تمبی نے اعلان کیا ہے کہ اس لیگ کا جو بھی کھلاڑی سنچری بنائے گا اسے دبئی میں 5 لاکھ درہم مالیت کا اپارٹمنٹ بطور انعام دیا جائے گا۔شارجہ میں کھیلی جانے والی ٹی 10 لیگ میں کل چھ ٹیمیں حصہ لے رہی ہیں۔ آج سے متحدہ عرب امارات کی ریاست شارجہ میں شروع ہونے والی اس لیگ میں پنجابی لیجنڈز، بنگال ٹائیگرز، کیرالہ کنگز، مراٹھا عربیئنز، پختونز اور ٹیم سری لنکا حصہ لیں گی۔
ٹی 10لیگ میں سنچری بنانے والے کھلاڑیوں کیلئے مہنگے ترین انعام کا اعلان ،جان کر آپ کے ہوش اُڑ جائینگے
