لاہو ر (ویب ڈیسک)بالی وڈ کے نئے شادی شدہ جوڑے دپیکا پڈوکون اور رنویر سنگھ نے گذشتہ روز اپنی شادی کی آفیشل تصاویر مداحوں سے شیئر کیں۔یہ تصاویر شیئر کرنے کی دیر تھی کہ فوراً ہی سوشل میڈیا پر وائرل ہوگئیں، جن پر لوگوں کے تبصروں اور مداحوں کا سلسلہ بھی جاری ہے۔اٹلی کے خوبصورت مقام ‘لیک کومو’ پر ہونے والی اس شادی کے پہلے روز کی تقریبات ساو¿تھ انڈین کونکنی روایات کے مطابق تھیں، جہاں جوڑے نے ڈیزائنر سبیاساشی کے ملبوسات زیب تن کیے۔دپیکا نے نارنجی مائل سلک کی ساڑھی کے ساتھ بھاری کندن جیولری کا انتخاب کیا تھا جبکہ رنویر سنگھ ساو¿تھ انڈین اسٹائل کے سفید دھوتی کرتے میں نظر آئے۔شادی کے دوسرے روز کی تقریبات سندھی روایات کے مطابق انجام دی گئیں۔
خیر یہ تفصیلات تو شاید سب کو ہی معلوم ہیں، لیکن یہ بات بہت کم لوگوں کو پتہ ہوگی کہ شادی کے دوسرے دن دپیکا کے جوڑے پر ایک خاص پیغام بھی درج تھا۔ہم بتاتے چلیں کہ 15 نومبر کو دپیکا نے جو جوڑا پہنا، اس کے دوپٹے پر سنسکرت زبان میں ایک دعا درج تھی، ‘سدا سو بھاگیاوتی بھاوا’ جس کا مطلب ہے، ‘سدا سہاگن رہو’۔واقعی جتنا خوبصورت یہ جوڑا تھا، یہ دعا بھی اتنی ہی خوبصورت ہے۔
