امیر ترین پاکستانیوں کی نئی فہرست جاری ،نواز ، زرداری کے نام بھی شامل

اسلا م آباد(صباح نیوز)پاکستان میں بھی دنیا بھر کی طرح امیرترین شخصیات موجود ہیں، جن کی دولت کا اندازہ اربوں ڈالرز میں لگایا گیا ہے۔ 2019 کی شروعات میں سامنے آنے والی نئی فہرست میں پاکستان کے امیرتین افراد میں شاہد خان گزشتہ سال کی طرح پہلے مقام پر ہیں، ان کی دولت تقریبا 7.2ارب ڈالر ہے۔اس فہرست میں سابق صدر آصف زرداری اور نواز شریف کے نام بھی شامل ہیں۔دوسر ے نمبر پر پاکستان کی معروف کاروباری شخصیت بیسٹ وے گروپ اور یو بی ایل کے مالک انور پرویز ہیں، جن کی کل دولت 3.8ارب ڈالر ہے۔تیسرے نمبر پر میاں منشا ہیں جن کی دولت کا اندازہ 1.9ارب ڈالر ہے۔ جبکہ سابق صدر آصف زرداری کی دولت کا اندازہ 1.8ارب ڈالر ہے۔سابق وزیراعظم نواز شریف، بحریہ ٹان کے مالک ملک ریاض، ہاشو گروپ آف کمپنیز کے صدر ہاشوانی، شان گروپ کے ناصر شان اور آئی ٹی سیکٹر کے اشعر عزیز بھی اس فہرست میں شامل ہیں۔