کوروناویکسین کی تیاری میں کتنا عرصہ درکار؟

لاہور(ویب ڈیسک)بین الاقوامی دوابنانے والی کمپنیوں کے مالکان اور ماہرین نے امید ظاہر کی ہے کہ 12 سے 18 ماہ کے دوران کورونا وائرس کی ویکسین کی تیاری اور مارکیٹ میں دستیابی ممکن ہوپائے گی۔ انٹرنیشنل فیڈریشن آف فارماسیوٹیکل مینوفیکچررز اینڈ ایسوسی ایشن اوردواساز کمپنیوں کے سربراہان نے جنیوا میں ورچوئل پریس کانفرنس کی ہے اوربتایا کہ کورونا ویکسین کے ابتدائی تجربات کے حوصلہ افزا نتائج سامنے آئے ہیں، تاہم انسانوں پر آزمائش میں وقت درکار ہوگا۔آئی ایف پی ایم اے کے صدر ڈیوڈرکس نے مہلک بیماری پرقابو پانے کی یقین دہانی کے ساتھ 12 سے 18 ماہ کے دوران ویکسین کی تیاری اورمارکیٹ میں دستیابی کا دعویٰ کیا ہے۔ ہم ویکسین کےمعیار پرسمجھوتہ نہیں کرسکتے۔دوا بنانے والی معروف کمپنی سونوفی پاسچرکے نائب صدر ڈیوڈ لوئیو نے کہا کہ ایک مرتبہ ویکسین تیار ہوگی تو دنیا بھر میں اربوں لوگوں کو ویکسین دینا ہوگی جو بہت بڑا چیلنج ہوگی لیکن ہم مشترکہ کاوشوں کے ذریعے یہ سنگ میل پورا کرنے کے لیے پ±ر امید ہیں۔چین کے صوبے ووہان سے دنیا کے 160 ممالک میں پھیلنے والے کورونا وائرس سے متاثرین کی تعداد 2 لاکھ 76 ہزار 705 ہوگئی ہیں جب کہ تاحال 11 ہزار 419 مریض ہلاک ہوئے ہیں تاہم اس مرض سے 91 ہزار 954 مریض صحت یاب بھی ہوئے۔