اداکار رجنی کانت کے گھر کو بم سے اڑانے کی دھمکی

نئی دہلی (ویب ڈیسک) : معروف بھارتی اداکار رجنی کانت کے گھر کو بم سے اڑانے کی دھمکی، پولیس نے ان کے گھر کی مکمل تلاشی لی اور گھر کو کلیئر قرار دے کر بم کی خبر کو افواہ قرار دے دیا۔ تفصیلات کے مطابق بھارت کی تامل فلموں کے سپرسٹار اداکار رجنی کانت کے گھر کو ایک نامعلوم شخص نے بم دھماکے سے اڑانے کی دھمکی دی جس پر انہوں نے پولیس کو خبر دی۔پولیس نے آکر ان کے گھر کی تلاشی لی تاہم کوئی بم نہ ملا جس پر پولیس نے دھمکی کو افواہ قرار دیدیا۔ پولیس کے مطابق ایک نامعلوم شخص نے پولیس کنٹرول روم پر فون کیا اور کہا کہ گریمس روڈ پر واقع سپر اسٹار رجنی کانت کے گھر میں بم نصب کیا گیا ہے۔ بھارتی پولیس کے مطابق سراغ رساں کتوں کی مدد سے پولیس فوری طور پر اداکار کے گھر پہنچی اور تلاشی لینے کے بعد پتا چلا کہ یہ ایک افواہ تھی، اب پولیس کال کرنے والے شخص کا پتا لگانے کی کوشش کررہی ہے۔