جنرل قمر جاوید باجوہ اور بل گیٹس کے درمیان ٹیلیفونک رابطہ ہوا ہے۔
پاک فوج کےشعبہ تعلقات عامہ (آئی ایس پی آر) کے ڈائریکٹرجنرل میجرجنرل بابر افتخار نے سماجی رابطے کی ویب سائٹ ٹویٹر پر اپنے ایک پیغام میں کہا کہ آرمی چیف اور بل گیٹس کے درمیان ٹیلیفونک رابطہ ہوا جس میں کورونا وبا کی روک تھام اور پولیو مہم کے آغاز پر گفتگو کی گئی۔
اپنے پیغام مین آئی ایس پی آر کے ڈائریکٹرجنرل میجرجنرل بابر افتخار نے کہا کہ دوران گفتگو بل گیٹس نے پاک فوج کی قومی مہم سپورٹ کی تعریف کی جبکہ پولیومہم کی کامیابی میں تعاون پرپاک فوج کےکردارکو بھی سراہا گیا۔
آرمی چیف نے بل گیٹس سے گفتگو کرتے ہوئے کہا کہ پولیومہم قومی کاز اور قومی کوشش ہے جبکہ کامیاب موبائل ٹیموں کے باعث مہم کامیاب ہوئی۔
آرمی چیف جنرل قمرجاوید باجوہ نے مزید کہا کہ پاکستان میں ہر بچے کا محفوظ ہونا کامیابی تصورکرتے ہیں۔
