میانوالی( آن لائن ) میانوالی کے قریب پاک فضائیہ کا تربیتی طیارہ گرکر تباہ ہوگیا جس کے نتیجے میں اس میں سوار دونوں پائلٹ شہید ہوگئے۔ترجمان پاک فضائیہ کے طابق فضائیہ کا ایف ٹی 7 طیارہ معمول کی تربیتی پرواز پر تھا کہ میانوالی کے قریب گرکر تباہ ہوگیا۔ واقعے میں طیارے میں سوار دونوں پائلٹ اسکواڈرن لیڈرحارث بن خالد اورفلائنگ آفیسرعبادالرحمان شہید ہوگئے۔امدادی کاروائیوں کے لیے ریسکیو ٹیم کو بھی طلب کیا گیااس موقع پر اہل علاقہ بھی بڑی تعداد میں جمع ہو گئے ہیں۔ تربیتی جہاز میانوالی ائیر بیس سے اڑا تھا اور لینڈنگ کرنے سے پہلے اس میں فنی خرابی پیدا ہو گئی جس کے باعث طیارہ میانوالی ائیر بیس کے قریب گر کر تباہ ہو گیا،امدادی ٹیمیں موقع پر پہنچ گئی ہیں جب کہ سکیورٹی فورسز نے علاقے کو گھیرے میں لے لیا ہے اور امدادی کارائیوں کا آغاز کر دیا جبکہ واقعے کی تحقیقات کے لئے ایئر ہیڈ کو ارٹر میں اعلیٰ سطح بورڈ تشکیل دے دیا گیا ہے۔

نئی دہلی (نیٹ نیوز) بھارت میں دس ٹریڈ یونینز نے حکومت کی عوام دشمن پالیسیوں کے خلاف آٹھ جنوری کو لک گیر ہڑتال کا اعلان کیا ہے۔ ٹریڈ یونینز حکام کا کہناہے کہ ہڑتال میں پچیس کروڑ لوگ شرکت کریں گے۔بھارت کی دس ٹریڈیونینز کے حکام نے نئی دہلی میں پریس کانفرنس کے دوران کہا کہ حکومت کی عوام دشمن پالیسی کے خلاف ملک گیر ہڑتال اور احتجاج آٹھ جنوری کو کیا جائےگا۔دس مزدور یونیز کے رہنماﺅں کا کہنا تھا کہ ہڑتال میں چھوٹی اور بڑی ٹریڈ یونینز اور تمام تنظیمیں شرکت کریں گی۔یونینز نے مشترکہ بیان میں کہا کہ حکومت نے مزدوروں کا کوئی مطالبہ تسلیم نہیں کیا۔عوام دشمن پالیسیوں کے باعث ہڑتال پر مجبور کیا گیا۔ دہلی پولیس نے جواہر لعل نہرو یونیورسٹی میں تشدد کا شکار طلبا یونین کی سربراہ ایشے گھوش سمیت 19طلبا کے خلاف سیکیورٹی گارڈز پر حملہ کرنے اورتوڑ پھوڑ کرنے کے الزام میں مقدمہ درج کرلیا،تشدد کے شکار طلبا یونین کی سربراہ ایشے گھوش کا کہنا ہے کہ کیمپس پر مکمل منصوبہ بندی کے ساتھ حملہ کیا گیا اور انہیں کئی لوہے کی راڈوں سے تشدد کا نشانہ بنایا گیا۔ لیکن طلباپر حملے کے لیے استعمال ہونے والی ہر آہنی سلاخ کا جواب آہنی عزم و حوصلے اور بحث و مباحثے سے دیا جائے گا۔ بھارتی میڈیا کے مطابق بھارت میں جواہر لعل نہرو یونیورسٹی میں نقاب پوش ہندو انتہا پسندوں کے ہاتھوں تشدد کا شکار ہونے والے طلبا کے خلاف ہی پولیس نے مقدمہ درج کرلیا۔دہلی پولیس نے جواہر لعل نہرو یونیورسٹی میں تشدد کا شکار طلبا یونین کی سربراہ ایشے گھوش سمیت 19طلبا کے خلاف سیکیورٹی گارڈز پر حملہ کرنے اورتوڑ پھوڑ کرنے کے الزام میں مقدمہ درج کرلیا۔ بھارتی دارالحکومت میں جواہر لال نہرو یونیورسٹی میں طلبا و طالبات پر نقاب پوش غنڈوں کے ذریعہ حملے کی ہندو رکشا دل نے ذمہ داری قبول کرتے ہوئے کہا ہے کہ ملک مخالف سر گرمیوں پر ضرورت پڑی تو آگے بھی ایسا ہی ہوگا ۔ بھارتی میڈیا کے مطابق بھارت میں طلبا کا احتجاج جاری ہے اور سیاسی و سماجی شخصیات کے لگاتار بیانات بھی سامنے آ رہے ہیں۔اسی دوران طلبا پر ہونےوالے حملے کی ذمہ داری ‘ہندو رکشا دل’ نے قبول کرکے ایک نیا ہنگامہ کھڑا کر دیا ہے۔ اس ہندو تنظیم نے واضح لفظوں میں کہا ہے کہ جے این یو میں اتوار کو ہونے والاتشددانہی کے کارکنان نے کیا ہے۔ہندو رکشا دل کے قومی صدر پنکی چودھری نے اس سلسلے میں ایک ویڈیو جاری کیا ہے جس میں انھوں نے کہا ہے کہ طلبا کی پٹائی کرنے والے ان کے کارکنان تھے اور آئندہ بھی وہ جے این یو میں ملک مخالف سرگرمیوں کو برداشت نہیں کریں گے۔ پنکی چودھری نے کہا کہ اگر ملک مخالف سرگرمیاں اس یونیورسٹی میں آگے بھی دیکھنے کو ملیں تو ایک بار پھر اسی طرح کی کارروائی ہوگی۔ اس سلسلے میں دہلی پولس نے ابھی کچھ بھی رد عمل ظاہر نہیں کیا ہے۔

تہران، بغداد (نیٹ نیوز) نگران عراقی وزیراعظم عادل المہدی نے اہم انکشاف کرتے ہوئے بتایاہے کہ جنرل قاسم سلیمانی کا قتل سیاسی ہے۔میڈیارپورٹس کےمطابق انہوں نے کہا کہ میجر جنرل قاسم سلیمانی قتل کیے جانے والے روز ایران کا سعودی عرب کے لیے پیغام لے کر بغداد پہنچے تھے، اس میں بغداد کے ذریعے ایران کو بھیجے گئے سعودی پیغام کا جواب تھا۔عادل عبدالمہدی نے بتایا کہ سعودی پیغام میں خطے اور دونوں ملکوں کے درمیان تناو کی کمی کے لیے تجاویز تھیں اور اسی سلسلے میں جنرل سلیمانی سے حملے والے روز ملاقات طے تھی تاکہ وہ سعودی پیغام پر ایران کا تحریری جواب پیش کریں۔خیال رہے کہ عراقی وزیراعظم عادل عبد المہدی نے گزشتہ سال اپریل اور ستمبر میں سعودی عرب کا دورہ کیا تھا جہاں سعودی شاہ سلمان سے انہوں نے ملاقات کی تھی۔مریکی ڈرون حملے کے نتیجے میں جاں بحق ہونے والے جنرل قاسم سلیمانی کے واقع کے بعد ایرانی پارلیمنٹ کی جانب سے امریکی فوج کودہشت گرد قرار دینے کا بل منظور کرلیاگیا۔میڈیارپورٹس کے مطابق امریکی ڈرون حملے کے نتیجے میں جاں بحق ہونے والے جنرل قاسم سلیمانی کے واقع کے بعد ایرانی پارلیمنٹ کی جانب سے امریکی فوج کودہشت گرد قرار دینے کا بل منظور کرلیاگیا۔اس موقع پر قومی سلامتی کونسل کو ہدایت دیتے ہوئے سپریم لیڈرآیت اللہ خامنہ ای نے کہاکہ جنرل قاسم سلیمانی کی موت کا بدلہ سرِ عام لیا جائے۔ایرانی پاسدارانِ انقلاب کے کمانڈر جنرل حسین سلامی نے جنرل قاسم سلیمانی کے قتل کا انتقام لینے کی بات کرتے ہوئے دھمکی دی ہے کہ امریکی حمایت یافتہ مقامات کو جلا کر راکھ کر دیا جائے گا۔میڈیارپورٹس کے مطابق انہوں نے یہ دھمکی کرمان شہر میں ہزاروں افراد کے مجمع کے سامنے دی۔ امریکی حملے میں ہلاک ہونے والے قدس فورس کے میجر جنرل قاسم سلیمانی کا آبائی شہر کرمان ہے اور ان کی تدفین بھی اسی شہر میں کردی گئی گئی ہے ۔ کرمان میں زیادہ تر افراد نے سیاہ لباس پہن رکھے تھے اور مقتول جنرل سلیمانی کی تصاویر جا بجا لگی ہوئی تھیں۔

تہران (نیٹ نیوز) ایرانی جنرل قاسم سلیمانی کے آبائی شہر کرمان میں جنازے کے جلوس میں بھگدڑ مچنے سے 50 شرکاءجاں بحق اور 213 سے زائد زخمی ہو گئے۔ ایرانی میڈیا کے مطابق سوگواران نے قاسم سلیمانی کی تصاویر والے پوسٹر اور ایرانی جھنڈے تھام رکھے تھے ۔اس دوران جنازے کے جلوس میں بھگدڑ مچنے اور دم گھٹنے سے 40 شرکاءجاں بحق اور 213 زخمی ہو گئے۔ زخمیوں کو ہسپتال منتقل کیا گیا ہے جہاں انہیں طبی امداد فراہم کی جا رہی ہے۔ بعض زخمیوں کی حالت تشویشناک ہے جس کے باعث ہلاکتوں میں اضافے کا خدشہ ہے۔ ایرانی حکام کا کہنا ہے کہ عراق میں امریکی حملے میں جاںبحق ہونے والے ایرانی جنرل قاسم سلیمانی کی تدفین کے موقع پر بھگدڑ مچنے سے ہلاکشدگان کی تعداد 50 سے بڑھ گئی ہے۔حکام کا کہنا ہے کہ اس بھگدڑ میں 200 سے زیادہ لوگ زخمی بھی ہوئے ہیں۔ایران کے فورینزک میڈیسن کے ڈائریکٹر جنرل عباس آمیان نے 50 سے زیادہ ہلاکتوں کی تصدیق کرتے ہوئے بتایا کہ لاشوں کی شناخت کا عمل جاری ہے اور مرنے والوں کی حتمی تعداد کا اعلان بعد میں کیا جائے گا۔یہ بھگدڑ منگل کو قاسم سلیمانی کے آبائی شہر کرمان میں ان کے جنازے میں مچی جس میں بہت بڑی تعداد میں لوگ شریک تھے۔ایرانی وزارتِ صحت کے ترجمان کیانوش جہانپور کا کہنا ہے کہ حادثے کے بعد تمام زخمیوں اور لاشوں کو ہسپتال منتقل کر دیا گیا ہے اور ہلاک شدگان اور زخمیوں میں خواتین، معمر افراد اور بچے بھی شامل ہیں۔تاحال واضح نہیں کہ بھگدڑ کیوں اور کیسے مچی تاہم اس واقعے کے بعد قاسم سلیمانی کی تدفین کا عمل بھی ملتوی کر دیا گیا ہے۔ پاسدارانِ انقلاب کے ترجمان رمضان شریف نے کہا ہے کہ اب تدفین کسی اور دن ہو گی تاکہ شہدا کو عزت و توقیر کے ساتھ دفنایا جا سکے۔کرمان پولیس کے ڈائریکٹر جنرل حامد شمس الدین نے ان افواہوں کو مسترد کیا ہے کہ جنازے کے جلوس میں دہشت گردی کی کوئی کارروائی ہوئی ہے۔ ان کا کہنا ہے کہ قاسم سلیمانی کے جنازے میں دہشت گردی کی کارروائی کی افواہ نظام کے دشمنوں کی سازش ہے۔دارالحکومت تہران میں پیر کو ان کی نمازِ جنازہ میں لاکھوں افراد کی شرکت کے بعد ایران کے سرکاری ٹی وی پر دکھائے جانے والے مناظر کے مطابق منگل کو کرمان میں بھی سیاہ لباس پہنے ہوئے بڑی تعداد میں عوام انھیں خراج عقیدت پیش کرنے کے لیے جمع ہوئے۔ایران کے سرکاری ٹی وی کے مطابق کرمان میں قاسم سلیمانی کے جنازے میں لاکھوں افراد شریک تھے۔جنازے کے جلوس میں شریک افراد نے ایرانی پرچم اور قاسم سلیمانی کی تصاویر اٹھا رکھی تھیں اور وہ مرگ بر امریکہ یا امریکہ مردہ باد اور ٹرمپ مردہ باد کے نعرے لگا رہے تھے۔قاسم سلیمانی کو ایران میں ایک قومی ہیرو کا درجہ حاصل تھا اور انھیں ملک میں آیت اللہ خامنہ ای کے بعد سب سے طاقتور شخصیت سمجھا جاتا تھا۔کرمان میں ان کے جنازے کے شرکا سے خطاب کرتے ہوئے ایرانی پاسدارانِ انقلاب کے سربراہ بریگیڈیئر جنرل حسین سلامی نے کہا کہ ایران قاسم سلیمانی کی موت کا بدلہ ان مقامات کو جلا کر لے گا جو انھیں(امریکیوں کو) بہت پسند ہیں۔ان کا کہنا تھا کہ ہم اپنے دشمن سے کہتے ہیں کہ ہم بدلہ لیں گے۔ ایرانی پاسداران انقلاب کی القدس فورس کے مقتول سربراہ قاسم سلیمانی کی بیٹی زینب نے ایران نواز شخصیت پر زور دیا ہے کہ وہ اس کے باپ کے قتل کا انتقام لیں۔میڈیارپورٹس کے مطابق تہران میں اپنے باپ کی آخری رسومات کے موقع پر خطاب کرتے ہوئے زینب سلیمانی نے لبنانی ملیشیا حزب اللہ کے سربراہ حسن نصر اللہ، حماس کے سیاسی بیورو کے سربراہ اسماعیل ہنیہ، فلسطینی تنظیم اسلامی جہاد کے سکریٹری جنرل زیاد نخالہ، شامی صدر بشار الاسد، عراقی بدر تنظیم کے سربراہ ہادی العامری اور یمن میں حوثی ملیشیا کے سرغنے عبدالملک الحوثی سے مطالبہ کیا کہ وہ قاسم سلیمانی کے قتل پر جوابی کارروائی کریں۔ فلسطین کی اسلامی تحریک مزاحمت حماس کے سیاسی شعبہ کے سربراہ اسماعیل ھنیہ دو روز قبل اعلیٰ اختیاراتی وفد کے ہمراہ تہران پہنچ گئے جہاں انہوں نے اہلخانہ سے تعزیت کی ،ایران کے ایک ٹی وی چینل نے اسماعیل ھنیہ اور اسلامی جہاد کے لیڈر زیاد النخالہ کو قاسم سلیمانی کی رہائش گاہ پر ان کے اہل خانہ سے تعزیت کرتے دکھایا ۔خیال رہے کہ جنرل قاسم سلیمانی کو امریکی فوج نے جمعہ کی صبح کو بغداد کے بین الاقوامی ہوائی اڈے کےقریب ایک ڈرون حملے میں ہلاک کردیا تھا۔ اس حملے میں کئی ایرانی اور عراقی سینیر جنگجو بھی شامل تھے جن میں الحشد ملیشیا کے نائب سربراہ ابو مہدی المہندس بھی شامل ہیں۔

نیویارک(نیٹ نیوز) ایران نے امریکہ کی جانب سے اپنی فورسز کو ہائی الرٹ کرنے کے بعد ممکنہ جنگ کیلئے تیاریاں شروع کر دی ہیں۔ سی این این کی رپورٹ میں کہا گیا ہے کہ مشرق وسطیٰ میں تعینات امریکی فورسز اور ایئر ڈیفنس میزائل بیٹریز کو ایرانی ڈرونز کی نقل وحرکت انیٹرنگ کرنے کیلئے کہا گیا ہے امریکی فورسز کو ایسی اطلاعات ملی ہیں جن کے مطابق ایرانی ڈرونز امریکی اہداف کو نشانہ بنا سکتے ہیں۔ ادھر امریکہ کی انٹیلی جنس رپورٹوں میںدعویٰ کیا گیا ہے کہ ایران میں فوجی سازو سامان ڈرونز اور میزائل کو مختلف مقامات پر منتقل کر دیا ہے۔ ایک امریکی عہدیدار کے مطابق ایسا محسوس ہوتا ہے کہ ایرانیوں کو امریکہ کے ممکنہ حملے کا خطرہ دکھائی دے رہا ہے۔ اس لئے انہوں خود حملے کی تیاری شروع کر دی ہے۔ سی این این اے مطابق امریکی میری ٹائم ایڈمنسٹریشن نے مشرق وسطی میں تجارتی بحری جہازوںکو خبر دار کر دیا ہے کہ ایران کی جانب سے امریکی میری ٹائم اہداف کے خلاف ایکشن کا امکان موجود ہے۔ علاوہ ازیں شمالی کیرولینا کے فورٹ کریک ایئر بیس سے 600 امریکی فوجی جن میںاکثریت نوجوانوں کی ہے مشرق وسطیٰ کیلئے روانہ ہونیوالے ہیں۔ یہ فوجی 3500 امریکی پیرا ٹروپرز کا حصہ ہوںگے۔ فوجی سب سے پہلے کویت میں رکیں گے تاہم ان کی حتمی منزل کو خفیہ رکھا جارہا ہے۔

اسلام آباد(خبر نگار خصوصی)قومی اسمبلی میںچیئرمین جوائنٹ چیفس آف سٹاف اور تینوں سروسز چیفس کی تقرری و توسیع سے متعلق پاکستان آرمی (ترمیمی) بل2020، پاکستان ایئرفورس (ترمیمی) بل2020 ءاورپاکستان نیوی (ترمیمی) بل2020ءکثرت رائے سے منظور کر لئے گئے۔ جمعیت علماءاسلام (ف)،جماعت اسلامی اور پی ٹی ایم کے ارکان نے احتجاجاً ایوان سے واک آﺅٹ کیا اور نونو کے نعرے لگائے۔پی ٹی ایم کے علی وزیر اور محسن داوڑ نے سپیکر ڈائس کے سامنے احتجاج کیا اور ایجنڈا اور بلوں کی اپیاں پھاڑ کرایوان میں پھینک دیں۔پاکستان پیپلز پارٹی نے حکومت کی درخواست پر آرمی ایکٹ میں اپنی تینوں ترامیم واپس لے لیں۔پیپلز پارٹی کے سید نوید قمر نے کہا کہ ملکی و خطے کی بدلتی ہوئی صورتحال اور اپوزیشن کی تجاویز کو مدنظررکھتے ہوئے ہم نے تنہائی اختیار کرنے کے بجائے اپنی ترامیم واپس لینے کا فیصلہ کیا ہے تا کہ ایوان سے دنیا کو تقسیم کی بجائے اتحاد کا پیغام جائے۔پروڈکشن آرڈر جاری ہونے کے باوجود شاہد خاقان عباسی،احسن اقبال ،خواجہ سعد رفیق اور سید خورشید شاہ اجلاس میں شرکت نہیں کی۔بلوں کی منظوری میں تحریک انصاف ، ایم کیو ایم، مسلم لیگ(ق)، بی اے پی،مسلم لیگ (ن)اور پیپلز پارٹی نے بھی حصہ لیا۔بلوںکے تحت صدر مملکت وزیراعظم کے مشورے پرچیئرمین جوائنٹ چیفس آف سٹاف اور تینوں سروسز چیفس کی 3سال کیلئے تقرری و توسیع کر سکیں گئے، تقرری یا توسیع کسی بھی عدالت میں چیلنج نہیں ہوسکے گی،آرمی چیف سمیت تینوں سروسز چیفس کی تقرری یا توسیع زیادہ سے زیادہ64سال کی عمر تک مشروط ہو گی۔منگل کو قومی اسمبلی کا اجلاس سپیکر قومی اسمبلی اسد قیصر کی زیر صدارت اپنے مقررہ وقت سے 35منٹ کی تاخیر سے شروع ہوا،تلاوت قرآن پاک، نعت رسول مقبول اور قومی ترانہ سے اجلاس کا آغاز کیا گیا۔اس کے بعد سپیکر نے ایجنڈے پر قومی اسمبلی کی قائمہ کمیٹی برائے دفاع امجد علی خان کو قائمہ کمیٹی کی رپورٹس پیش کرنے کا کہا۔امجد علی خان نے پاک آرمی ایکٹ 1952 میں ترمیم کے بل پاکستان آرمی (ترمیمی) بل 2020، پاک فضائیہ ایکٹ 1953 میں ترمیم کا بل پاکستان ایئرفورس (ترمیمی) بل2020 اور پاک بحریہ آرڈیننس1961میں ترمیم کے بل پاکستان نیوی (ترمیمی) بل 2020 پر قائمہ کمیٹی برائے دفاع کی الگ الگ رپورٹس ایوان میں پیش کیں۔اس کے بعد سپیکر نے وزیر دفاع پرویزخٹک کو پاکستان آرمی (ترمیمی)بل 2020قومی اسمبلی میں پیش کرنے کےلئے فلور دیا گیا۔پرویز خٹک نے کہا کہ پاکستان پیپلز پارٹی نے بل پر کچھ اپنی تجاویز دی ہیں، ان تجاویز سے ایوان میں اختلاف رائے پیدا ہو گا،پیپلز پارٹی سے درخواست ہے کہ وہ بل پر اپنی ترامیم واپس لے لیں تا کہ اتفاق رائے کا پیغام جائے،جس پر پاکستان پیپلز پارٹی کے رہنما سید نوید قمرنے آرمی ایکٹ میں ترامیم واپس لینے کا اعلان کرتے ہوئے کہا کہ پیپلز پارٹی نے بل میں بہتری لانے کےلئے کچھ تجاویز پیش کی تھیں، حکومت کی طرف سے وفد ہمارے پاس آیا اور درخواست کی کہ بل اتفاق رائے سے منظور کیا جائے۔ انہوں نے کہا کہ ملک کی جو صورتحال ہے اور خطے کی بدلتی ہوئی صورتحال کو مدنظر رکھتے ہوئے اور اپوزیشن کی تجاویز کو بھی مدنظررکھتے ہوئے ہم نے بل پر اپنی ترامیم واپس لینے کا فیصلہ کیا ہے تا کہ ایوان سے دنیا کو تقسیم کا پیغام نہ جائے بلکہ اتحاد کا پیغام جائے۔ہم اپنی ترامیم اب پیش نہیں کریں گے، اس پر حکومتی بینچوں نے ڈیسک بجا کر پاکستان پیپلز پارٹی کے فیصلے کو خراج تحسین پیش کیا،اس کے بعد وزیر دفاع پرویز خٹک نے پاکستان آرمی (ترمیمی)بل2020 قائمہ کمیٹی کی رپورٹ کردہ صورت میں فی الفور زیر غور لانے کےلئے تحریک پیش کی،جس پر جمعیت علماءاسلام(ف) ،جماعت اسلامی اورپختون تحفظ مومنٹ (پی ٹی ایم) کے ارکان محسن داوڑ اور علی وزیر اپنی نشستوں پر کھڑے ہو گئے اور سپیکر کو مخاطب کرتے رہے،” نو” نو” کے نعرے لگائے اور مطالبہ کیا کہ انہیں بات کرنے کی اجازت دی جائے،سپیکر نے ان کو اجازت نہیں دی اور تحریک پرایوان سے رائے مانگی تو جمعیت علماءاسلام اور جماعت اسلامی کے ارکان نے احتجاجاً ایوان سے واک آﺅٹ کیا،ایوان میں بل پیش کرنے کی تحریک کثرت رائے سے منظور کی اور بل کو شق وار منظوری کےلئے پیش کیاگیا،پی ٹی ایم کے ارکان اس دوران سپیکر کے ڈائس کے سامنے آ کر بلوں اور ایجنڈے کی کاپیوں کو پھاڑ کرہوا میں پھینک دیااور ایوان سے واک آﺅٹ کر دیا، سپیکر نے بل کی شق وار منظوری لی اور پھر حتمی منظوری کےلئے ایوان میں پیش کیا جس کی ایوان نے کثرت رائے سے منظوری دی۔ وزیر دفاع پرویز خٹک نے اس کے بعد پاکستان ایئرفورس(ترمیمی)بل 2020 اور پاکستان نیوی (ترمیمی) بل 2020 الگ الگ ایوان میں پیش کئے،جس پر سپیکر نے دونوں بلوں پر شق وار منطوری کیلئے رائے شماری کرائی ،جس کے بعد ایوان نے رائے شماری کے ذریعے دونوں بل کثرت رائے سے منظور کر لئے۔بلوں کی منظوری میں تحریک انصاف ، ایم کیو ایم، مسلم لیگ(ق)، بی اے پی،مسلم لیگ (ن)اور پیپلز پارٹی نے بھی حصہ لیا۔پاکستان آرمی (ترمیمی) بل 2020کے تحت صدر مملکت، وزیراعظم کے مشورے پر ایک جرنل کو تین سال کےلئے بطور چیف آف آرمی سٹاف تقرر کرے گا، چیف آف آرمی سٹاف کے قیود و شرائط کا تعین صدر مملکت وزیراعظم کے مشورے سے کرے گا،صدر مملکت وزیراعظم کے مشورے پر آرمی چیف کو اضافی تین سال کی مدت تک دوبارہ تقرر کر سکے گا،آرمی چیف کی تقرری یا توسیع کسی بھی عدالت میں چیلنج نہیں کی جا سکتی،ایک جرنیل کےلئے صراحت کو مقرر کردہ ریٹائرمنٹ کی عمر و حدود ملازمت آرمی چیف پر لاگو نہیں ہو گی،آرمی چیف کی تقرری یا توسیع زیادہ سے زیادہ64سال کی عمر تک مشروط ہو گی۔ صدر مملکت وزیراعظم کے مشورے پر پاکستان آرمی کے جرنیلوں یا پاکستان نیوی کے ایڈمرلز یا پاکستان ایئر فورس کے ایئر چیف مارشلز میں سے تین سال کی مدت تک کےلئے ایک چیئرمین جوائنٹ چیفس آف سٹاف کمیٹی کا تقرر کرے گا،صدر مملکت وزیراعظم کے مشورے پر چیئرمین جوائنٹ چیفس آف سٹاف کمیٹی کے مدت ملازمت میں تین سال تک کی توسیع کر سکے گا،آرمی چیف کی طرح چیئرمین جوائنٹ چیفس آف سٹاف کمیٹی کے تقرر یا توسیع کو کسی بھی عدالت میں چیلنج نہیں کیا جا سکے گا،چیئرمین جوائنٹ چیفس آف سٹاف کمیٹی کی عمر کی حد بھی 64سال مقرر کی گئی ہے۔ یہی تمام ترامیم پاکستان ایئرفورس (ترمیمی) بل2020 اورپاکستان نیوی (ترمیمی) بل 2020 کے تحت بھی کی گئیں ہیں۔سپیکر قومی اسمبلی کی جانب سے جاری پروڈکشن آرڈر پر شاہد خاقان عباسی،احسن اقبال ،خواجہ سعد رفیق اور سید خورشید شاہ میں سے کوئی بھی رکن اجلاس نہ آیا۔قبل ازیں قومی اسمبلی کا اجلاس شروع ہونے سے قبل ہی وزیراعظم عمران خان، وفاقی وزراءاور پی ٹی آئی کے ارکان ایوان میں آئے۔ وزیراعظم کے ہمراہ وزیر ریلوے شیخ رشید، وزیر داخلہ اعجاز شاہ و دیگر وفاقی وزراءایوان میں آئے۔ وزیراعظم کے ایوان میں آتے ہی پی ٹی آئی کے ارکان نے ان کی نشست کو گھیرے میں لے لیا اور وزیراعظم سے بات چیت شروع کی، اجلاس کی کارروائی شروع ہونے تک وزیراعظم پی ٹی آئی کے ارکان کے ساتھ محو گفتگو رہے۔سینیٹ میں آرمی ایکٹ تر میمی بل 2020پیش کر یا گیا، چیرمین سینیٹ نے بل قومی اسمبلی کی قائمہ کمیٹی برائے دفاع کو بھجوا د یا ،جمعیت علماءاسلام ،نیشنل پارٹی اور پشتونخوا ملکی عوام پارٹی نے بل پیش کرنے کی مخالفت کی ،ایوان میں ڈاکٹر عافیہ صدیقی سے متعلق رپورٹ پیش نہ کی جاسکی ۔منگل کے روز سینیٹ کا اجلاس چیرمین صادق سنجرانی کی سربراہی میں منعقد ہوا اجلاس کے آغاز میں چیرمین قائمہ کمیٹی برائے خارجہ امور سینیٹر مشاہد حسین سید نے ڈاکٹر عافیہ صدیقی کے خلاف کیس سے متعلق رپورٹ پیش کرنے میں مزید 60دن کی توسیع دینے کے حوالے سے تحریک پیش کی اس موقع پر اراکین سینیٹ نے کہاکہ ڈاکٹر عافیہ صدیقی سے متعلق رپورٹ کیوں نہیں بن سکی ہے جس پر کمیٹی کے چیرمین مشاہد حسین سید نے جواب دیا کہ رپورٹ پر کام جاری ہے میں خود امریکہ جا کر عافیہ صدیقی سے مل کر آیا ہوںاور اگلے دو ماہ میں رپورٹ تیار ہوکر پیش کر دی جائے گی ایوان نے قائمہ کمیٹی خارجہ کو رپورٹ تیار کرنے کےلئے مزید 60 روز کی توسیع دیدی اس موقع پر چیرمین سینیٹ نے چیرمین قائمہ کمیٹی کو ہدایت کی کہ رپورٹ جلدی تیار کرکے فراہم کی جائے اجلاس کے دوران جماعت اسلامی کے رکن سنیٹر مشتاق نے نقطہ اعتراض پر بات کرنے پر اصرار کیا تاہم چیئرمین سینیٹ نے فلور دینے سے انکار کر تے ہوئے کہاکہ پہلے ایوان میں ایجنڈے کے مطابق بزنس چلے گا اس کے بعداراکین نکتہ اعتراض پر بات کریں گے جس کے بعد ایوان میں آرمی ایکٹ میں ترمیم کے بل کی تحریک پیش کی گئی تحریک وزیر پارلیمانی امور اعظم سواتی نے پیش کی جسے کثرت رائے سے منظور کر لیا گیاتحریک کی منظوری کے بعد وزیر پارلیمانی امور اعظم سواتی نے آرمی ایکٹ ترمیمی بل ایوان میں پیش کئے اس موقع پر جماعت اسلامی جے یو آئی ف نیشنل پارٹی اور پشتونخوا ملی عوام پارٹی نے آرمی ایکٹ میں ترمیم کے بل کی مخالفت کی چیئرمین سینٹ نے مسلح افواج سے متعلق تینوں بلز سینٹ کی قائمہ کمیٹی دفاع کو بھیجوا دئیے سینٹ اجلاس آج سہہ پہر تین بجے تک ملتوی کر دیا گیا۔سینٹ کی قائمہ کمیٹی دفاع نے مسلح افواج کے سربراہان کی مدت ملازمت میں توسیع کے حوالے سے تینوں بلوں کی متفقہ منظوری دیدی ہے، آرمی ترمیمی ایکٹ (آج) بدھ کو منظوری کے لئے سینٹ میں پیش کیا جائے گا۔ وزیر دفاع پرویز خٹک نے سینٹ کی قائمہ کمیٹی دفاع کے اجلاس کے بعد میڈیا سے بات چیت کرتے ہوئے کہا کہ قائمہ کمیٹی نے تمام جماعتوں کی اتفاق رائے سے مسلح افواج کے سربراہان کی مدت ملازمت میں توسیع کے حوالے سے تینوں بلوں کی متفقہ منظوری دی ،کسی جماعت نے اس حوالے سے ترامیم پیش نہیں کیں ۔وزیر قانون و انصاف بیرسٹر فروغ نسیم نے میڈیا سے بات چیت کرتے ہوئے کہا کہ سینٹ کی قائمہ کمیٹی دفاع نے مسلح افواج کے سربراہان کی مدت ملازمت میں توسیع کے حوالے سے تینوں بلوں کی متفقہ منظوری دیدی ہے ،آج(بدھ) کو یہ بل منظوری کے لئے سینٹ میں پیش کیا جائے گا ۔سینٹ کی قائمہ کمیٹی دفاع کا اجلاس سینیٹر ولیداقبال کی زیر صدارت ان کیمرہ اجلاس پارلیمنٹ ہاﺅس میں منعقد ہوا ۔اجلاس میں وزیر دفاع پرویز خٹک ،وزیر قانون فروغ نسیم، سینیٹر شیریں رحمان ،دلاور خان ،مشاہد حسین سید اور سجاد حسین طوری سمیت دیگر اراکین نے مسلح افواج کے سربراہان کی مدت ملازمت میں توسیع کے حوالے سے تینوں بلوں پر غور کے بعد اتفاق رائے سے منظوری دیدی۔

لاہور (شعیب بھٹی ) سوشل میڈیا پر پنجا ب اور لا ہور پو لیس کے اکہتر جعلی اکاو¿نٹس کے انکشاف کے بعد محکمہ دا خلہ کا مذکو ر ہ اکاﺅنٹس ہو لڈر کے خلا ف کا رروائی کا فیصلہ کیا گیا ہے ،جس کے بعد حسا س ادارو ں نے تحقیقات کا آغاز کردیا ہے۔تفصیلا ت کے مطا بق پنجا ب اور لا ہور ولیس کے ناموں سے سوشل میڈیا پر اکہتر جعلی اکاو¿نٹس کا انکشاف ہوا ہے ، ذرا ئع کا کہنا ہے کہ ٹوئٹر، فیس بک ، یو ٹیو سمیت دیگر سوشل میڈیا پلیٹ فارمز پرپنجا ب پو لیس اور لاہور پو لیس کے نام سے 71 جعلی اکاو¿نٹس کا انکشاف ہوا ہے ذرا ئع کا کہنا ہے کہ حسا س ادارو ں نے تحقیقات کا آغاز کردیا ہے جس پر ابتدا ئی طو ر پر معلوم ہوا ہے کہ ٹویٹر پر 15 اور فیس بک پر20 جعلی اکاو¿نٹس ، انسٹاگرام پر 13 ،ٹوئٹر پر 20 اور یو ٹیو پر 3جعلی اکا ﺅ نٹس بنے ہو ئے ہیں جنہیں بند کرنے کافیصلہ کیا گیا ہے ، اور ان اکا ﺅ نٹس کو بنا نے والو ں کے خلا ف کا رروائی کا فیصلہ بھی کیا گیا ہے ۔ ذرا ئع کا کہنا ہے کہ مذکو ر ہ جعلی اکا ﺅ نٹس پر پنجا ب پو لیس کا جعلی ڈیٹا اور جعلی کرا ئم سمیت غلط انفا ر میشن دی جا تی ہے ۔ واضح ر ہے کہ الیکٹرانک کرائم ایکٹ کے نفاذ کے بعد ممنوعہ مواد والی 1684 ویب سائٹس بلاک کیا گیا جبکہ انسٹاگرام پر 13 ،ٹوئٹر پر 276 اور یو ٹیوب کے 240کنٹنٹس بلاک کئے گئے ہیں ۔ الیکٹرانک کرائم ایکٹ کے نفاذ کے حوالے سے ما ہر قانون کا کہنا ہے کہ واٹس ایپ، فیس بک، ٹویٹر، انسٹاگرام اور سماجی میل جول کی دیگر ویب سائٹس کے ذریعے الیکٹر ونک کرائم کے مرتکب افراد کو ایک سال سے لے کر پانچ برس تک کی قید اور ایک لاکھ سے پانچ لاکھ تک کا جرمانہ کیا جا سکتا ہے۔

 اسلام آباد: وزیراعظم ریلیف پیکیج کے تحت یوٹیلٹی اسٹورز پر آج (منگل سے) سے  اشیائے خورونوش سستی ملیں گی۔وزیراعظم کی جانب سے6 ارب روپے کے ریلیف پیکیج کا اعلان کیا گیا تھا جس پر آج سے عملدرآمد ہوگا، وزیر اعظم عمران خان اسلام آباد کے کراچی کمپنی یوٹیلیٹی اسٹورپر اس ریلیف پیکج کا باقاعدہ افتتاح کریں گے۔اس پیکج کے تحت یوٹیلٹی سٹورز پرنئی قیمتوں کا نوٹیفیکیشن جاری کردیا ہے جس کے تحت چینی7 روپے فی کلوگرام سستی کرکے نئی قیمت 75 روپے کلوگرام سے کم کرکے68 روپے مقررکر دی گئی ہے، اسی طرح گھی کی قیمت میں 20 روپے کلوگرام کمی کی گئی ہے، نئی قیمت کے تحت گھی کا پیکٹ 190کے بجائے 170 روپے میں ملے گا، چاول اور سفید چنا کی قیمت میں بھی 10روپے فی کلوگرام کمی کی گئی ہے