لاہور: (ویب ڈیسک) پاکستان اور سری لنکا کے درمیان ویمن سیریز کی تیاریوں کیلئے تربیتی کیمپ 7 مئی سے کراچی میں لگایا جائے گا۔
ون ڈے اور ٹی ٹونٹی انٹرنیشنل سیریز کے لئے 18 مئی تک حنیف محمد ہائی پرفارمنس سینٹر کراچی میں جاری رہنے والے کیمپ میں 26 کھلاڑیوں کو طلب کیا گیا ہے جن میں ایمن انور، انعم امین، انوشہ ناصر، عائشہ بلال، عائشہ نسیم، عائشہ ظفر، غلام فاطمہ، گلِ فیروزہ، ارم جاوید، کائنات امتیاز، منیبہ علی صدیقی، نجیہ علوی، نتالیہ پرویز، ندا ڈار، عمیمہ سہیل، رامین شمیم، صدف شمس، سعدیہ اقبال، شوال ذوالفقار، سدرہ امین، سدرہ نواز، تسمیہ رباب، طوبہٰ حسن، امِ ہانی، وحیدہ اختر اور یسرا عامر شامل ہیں۔
عالیہ ریاض، بسمہ معروف، ڈیانا بیگ اور فاطمہ ثناء تربیتی کیمپ کا حصہ نہیں ہوں گی۔ دبئی میں ویمنز ٹی ٹونٹی ٹورنامنٹ میں مصروف مذکورہ کرکٹرز17 مئی سے سکواڈ کو جوائن کریں گی، پاکستان اور سری لنکا کے درمیان خواتین کی سیریز 24 مئی سے کراچی میں شیڈول ہے۔
پاکستان ٹیم مینجمنٹ میں ہیڈ کوچ ڈیوڈ ہیمپ، سلیم جعفر بولنگ کوچ، وقار اورکزئی اسسٹنٹ کوچ، صبور احمد سٹرینتھ اینڈ کنڈیشننگ کوچ، رفعت اصغر گل فزیو تھراپسٹ اور ڈاکٹر محمد خرم شامل ہیں۔
سری لنکن خواتین ٹیم 19مئی کو کراچی پہنچنے گی، 21سے 23مئی تک پاکستان اور سری لنکا کی خواتین ٹیمیں پریکٹس کریں گی، 24 مئی کو پہلا ٹی ٹونٹی میچ، 26 کو دوسرا جبکہ 28مئی کو تیسرا ٹی ٹونٹی میچ کھیلا جائے گا، تین میچز پر مشتمل ون ڈے سیریز یکم جون سے کھیلی جائے گی۔
