چاکلیٹ کے ٹینک میں گرے دو ملازمین کو بچالیا گیا

لندن: (ویب ڈیسک) برطانوی شہر لینکاسٹر کے چھوٹے سے قصبے میں قائم چاکلیٹ فیکٹری میں دو ملازم چاکلیٹ سے بھرے ٹینک میں گرپڑے جنہیں بچالیا گیا ہے۔
یہ واقعہ جمعرات کی دوپہر میں اس وقت پیش آیا جب کارکن چاکلیٹ سازی میں مصروف تھے۔ اس کارخانے کا نام ’مارس رگلے پلانٹ‘ ہے جو ایلزبتھ ٹاؤن میں واقع ہے اور یہاں کی آبادی صرف 12 ہزار نفوس پر مشتمل ہے۔
اگرچہ اس وقت چاکلیٹ کا مواد نیم مائع کی شکل میں تھا لیکن بہت گرم نہ تھا۔ دونوں ملازم چاکلیٹ میں گرکر پیٹ تک اس میں ڈوب گئے تھے اور انہیں باہر نکلنے میں دقت کا سامنا تھا۔ ڈاکٹروں کے مطابق دونوں بالکل ٹھیک ہیں اور انہیں کوئی چوٹ نہیں لگی ہے۔
دوپہر دو بجے یہ واقعہ پیش آیا جس کے بعد پولیس اور امدادی ٹیموں کو بلایا گیا۔ تاہم کمپنی انتظامیہ نے اب تک اپنا مؤقف واضح نہیں کیا ہے۔