تازہ تر ین

کیرئیر میں پہلی بار ٹام کروز کی فلم ایک ارب ڈالرز کمانے میں کامیاب

لاس اینجلس: (ویب ڈیسک) ٹام کروز کی کیرئیر میں پہلی بار فلم ایک ارب ڈالرز کمانے میں کامیاب ہو گئی، ہالی وڈ فلم ‘ٹاپ گن میورک’ دنیا بھر میں ایک ارب ڈالرز کمانے میں کامیاب ہوئی ہے۔
اس طرح یہ ٹام کروز کی پہلی فلم بن گئی ہے جو ایک ارب ڈالرز کے سنگ میل کو حاصل کرنے میں کامیاب رہی اور مجموعی طور پر ایک ارب ڈالرز کلب کی 50 ویں فلم ہے۔
ٹام کروز کے کیرئیر کو 4 دہائیوں سے زیادہ عرصہ ہوچکا ہے مگر اب جا کر پہلی بار ان کی کسی فلم نے ایک ارب ڈالرز کے جادوئی ہندسے کو عبور کیا ہے۔
27 مئی کو ریلیز ہونے والی فلم نے شمالی امریکا میں 52 کروڑ 17 لاکھ ڈالرز کمائے جبکہ دیگر ممالک میں 48 کروڑ 47 لاکھ ڈالرز کا بزنس کیا۔
کورونا وائرس کی وبا کے بعد سے یہ دوسری فلم ہے جو یہ اعزاز اپنے نام کرنے میں کامیاب رہی، اس سے پہلے اسپائیڈر مین نو وے ہوم لگ بھگ 2 سال بعد ایک ارب ڈالرز کمانے والی پہلی فلم بنی تھی۔
ٹاپ گن میورک 1986 میں ریلیز ہونے والی فلم ٹاپ گن کا سیکوئل ہے جو ٹام کروز کے کیرئیر کے لیے بہت اہم ثابت ہوئی تھی۔
اس سے قبل ٹام کروز کی سب سے زیادہ بزنس کرنے والی فلم 2018 کی مشن امپاسبل فال آؤٹ تھی جس نے 79 کروڑ ڈالرز سے زیادہ کمائے تھے۔


اہم خبریں





دلچسپ و عجیب
کالم
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain