اسلام آباد: (ویب ڈیسک) نیشنل یونیورسٹی آف سائنس اینڈ ٹیکنالوجی(نسٹ)نے کوکا کولا پاکستان کے تعاون سے ماحولیات،گورننس اور پائیداری سے متعلق کمیونٹی کی سرمایہ کاری سے متعلق ایک سیمینار کا انعقاد کیا۔اثرات کے ان شعبوں کو اجاگر کرنے کی غرض سے نیشنل انکیو بیشن سینٹر کے سی ای او اور ٹیم اپ کے بانی زوہیر خالق،انڈس ارتھ کی ٹرسٹی عافیہ سلام اورکوکا کولا پاکستان کے وائس پریذیڈنٹ فہد اشرف کی جانب سے تین ماسٹر کلاسز کا اہتمام کیا گیا۔نسٹ کی کارپوریٹ ایڈوائزری کونسل کی جنرل منیجر ثنا مقبول نے تقریب کی میزبانی کی اورپبلک پرائیویٹ پارٹنر شپ کے ذریعہ موثر تعاون کے حوالے سے نسٹ کے کردار پر روشنی ڈالی۔
Driving Science and Technology to Solve for the Planet” کے عنوان سے ایک پینل ڈسکشن نے صنعتی ماہرین اور ماہرین تعلیم پر زور دیا کہ وہ عالمی سطح پر رائج بہترین طریقوں کے ذریعہ جدت اور پائیداری کے درمیان تعلق پر غور کریں۔پینل نے پانی پراجیکٹ،پاکستان کی پہلی پلاسٹک سے بنی سڑک اور ری سائیکل سے بنی بوتلوں کے حالیہ رول آؤٹ،پلاسٹک (rPET). سمیت کوکا کولا اورCoca-Cola içecekپاکستان کے تاریخی منصوبوں پر نسٹ کی ڈپٹی ڈائریکٹر آف سسٹین ایبلیٹی،بریرہ حنیف کی تصنیف کردہ ایک رپورٹ پر بھی تبادلہ خیال کیا۔
کوکا کولا پاکستان کے وائس پریذیڈنٹ فہد اشرف نے کہا کہ ”قدرت نے پہلے ہی تسلسل کیلئے خاکہ تیار کررکھا ہے،جہاں کچھ بھی ضائع نہیں ہوتا،ہر شئے کو بنیادی بلاکس میں توڑ دیا جاتا ہے اور بار بار استعمال کیا جاتا ہے،اور یہ ایک نہ ختم ہونے والا سلسلہ ہے۔ہم جدت پسندوں،ماہرین تعلیم،کارکنوں اور صارفین کو سرکلر اکانومی کی جانب اپنے سفر کو تیز رفتاری سے ممکنہ طور پر حقیقت سے قریب لانے کے حوالے سے پر عزم ہیں۔“
تقریب سے خطاب کرتے ہوئے ڈائریکٹر پبلک افیئرز اینڈ کمیو نیکیشن Coca-Cola içecekپاکستان سید عمر نے کہا کہ ”پائیداری،مستقبل کی نسلوں کی ضروریات پر سمجھوتہ کئے بغیر،موجودہ نسل کی ضروریات کو پورا کرنے کی ذمہ داری ہے،ہمیں پر فیصلہ میں اپنی زمین،ماحول اور لوگوں کو ترجیح دینے کی ضرورت ہے۔“
نسٹ میں ڈائریکٹرانوویشن اینڈ کمرشلائزیشن آفس محمد انور فرید کا کہنا تھا کہ”یہ رپورٹ اس امر کا جائزہ لینے کیلئے ایک اہم قدم ہے جو کہ ابھی تک کیا گیا ہے،اور ساتھ ہی ہمیں یہ باور کراتی ہے کہ ویسٹ مینجمنٹ،ری سائیکلنگ اور پانی کی بھرپائی میں کارپوریٹ وعدوں سے متعلق ابھی بہت کچھ ہونا باقی ہے۔ہمارے لئے یہ ضروری ہے کہ بعد کے بجائے ابھی ہی وعدوں کی تکمیل ممکن بنائی جائے۔“
پینلسٹ میں ایم ڈی گرین ارتھ سائیکلنگ بابر عزیز بھٹی سمیت نسٹ کی ڈپٹی ڈائریکٹر سسٹین ایبلیٹی بریرہ حنیف،ڈائریکٹر پبلک افیئرز اینڈ کمیو نیکشن Coca-Cola içecekپاکستان سید عمر،ڈائریکٹر کارپوریٹ افیئرز میٹرو کیش اینڈ کیری پرویز اختراور نسٹ میں آئی ای ایس سی میں پروفیسر،ڈاکٹر شیر جمال شامل تھے۔
