تہران: (ویب ڈیسک) تہران کی ایفین جیل کے باہر ہزاروں افراد کے احتجاج کی ویڈیو سوشل میڈیا پر جنگل کی آگ کی طرح پھیل گئی۔
ایرانی مرکز برائے انسانی حقوق نے اپنے ایک ٹویٹ میں بتایا کہ لوگ تہران کی اوربی اسٹریٹ پر جیل کے داخلی دروازے کے باہر اپنے پیاروں کے بارے میں معلومات حاصل کرنے کی امید میں انتظار کر رہے تھے۔
ایران میں مظاہرے شروع ہونے کے بعد سے اب تک 15 ہزار سے زائد مظاہرین کو گرفتار کیا جا چکا ہے۔ جبکہ 300 سے زائد مارے جا چکے ہیں، جن میں 40 بچے اور 20 خواتین شامل ہیں۔
ایفین جیل میں حکومت مخالفین اور سیاسی بنیادوں پر گرفتار افراد کو قید کیا جاتا ہے۔
