دوحہ : (ویب ڈیسک) برازیلین فٹبال ٹیم کے کھلاڑی نیمار کے مداح نے فٹبالر سے اپنی محبت کا انوکھا اظہار کرتے ہوئے فیس ماسک پر تصویر بنا ڈالی۔
سوشل میڈیا پر ایک منفرد ویڈیو وائرل ہورہی ہے جوایڈورڈی نامی مداح آرٹسٹ نے اپنے انسٹاگرام اکاؤنٹ پر شیئر کی ہے جس میں مداح کے سامنے موجود اسکرین پر اس کے پسندیدہ کھلاڑی کی تصویر نمایاں ہے جس کو سامنے رکھتے ہوئےقینچی کے ذریعے فیس ماسک کو اس انداز میں کاٹا گیا کہ نیمار کی تصویر بن گئی۔
ویڈیو میں دیکھا جاسکتا ہے کہ آرٹسٹ نے نیمار سے اپنی محبت کے ساتھ ساتھ اپنی صلاحیت کا بھی بھرپور اظہار کیا ہے جب کہ سوشل میڈیا پر وائرل ویڈیو میں مداح کے ٹیلنٹ کو بھی سراہا جارہا ہے۔
