بیجنگ: (ویب ڈیسک) چین میں ہائی وے پر 50 کے قریب ٹرک اور گاڑیاں آپس میں ٹکرا گئیں جس کے نتیجے میں آگ بھڑک اٹھی، حادثے میں 16 افراد ہلاک ہوگئے جبکہ 66 زخمی ہوگئے۔
عالمی خبر رساں ادارے کے مطابق چین کے صوبے ہنان کی ایک مصروف ہائی وے پر متعدد گاڑیاں آپس میں ٹکراگئیں، زیادہ تر اشیا کی مختلف شہروں میں ڈلیوری پر مامور ٹرک حادثے کا شکار ہوئے، حادثے کے متعدد گاڑیوں میں آگ لگ گئی۔
حادثے کی اطلاع ملتے ہی امدادی ٹیمیں جائے وقوعہ پر پہنچ گئیں، 180 امدادی کارکنوں نے ریسکیو کے کاموں میں حصہ لیا، ہلاک اور زخمی ہونے والوں کو ہسپتال منتقل کیا اور شاہراہ سے گاڑیوں کو ملبے کو ہٹایا۔
حادثے میں 55 کے قریب گاڑیاں آپس میں ٹکرائیں جن میں سے 5 کاریں مکمل طور پر تباہ ہوگئیں، دو گاڑیوں کے تصادم میں 7 افراد موقع پر ہلاک ہوگئے جس کے بعد پے در پے گاڑیاں آپس میں ٹکراگئیں۔
