’شدید زلزلہ کے لیے تیار رہیں‘ ڈچ سائنسندان کی خطرناک پیش گوئی

لاہور: (ویب ڈیسک) ڈچ سائنسدان نے ایک بار پھر دنیا میں شدید زلزلے کی پیش گوئی کر دی۔
العربیہ اردو کی رپورٹ کے مطابق ڈچ سیسمولوجسٹ فرینک ہوگریبِٹ نے اپنی تازہ ترین وراننگ نما پیش گوئی کی بنیاد سیاروں اور زمین سے مربوط ان کی نقل وحرکت پر رکھی ہے جو عمومی طور پر زلزلے کا باعث بنتی ہیں۔
متنازع سائنسدان نے پیش گوئی کی ہے کہ آج 20 مئی بروز ہفتہ اور 21 مئی بروز اتوار کو سیاروں کی جیومیٹری شدید اور ہائی رسک زلزلے کا باعث بن سکتی ہے۔
انہوں نے وارننگ میں بتایا ہے کہ آج 20 مئی بروز ہفتہ اور 21 مئی بروز اتوار چاند اور سیاروں کی بننے والی جیومیٹری ریختر سکیل پر چھ درجے زلزلے کا باعث بن سکتی ہے۔ امکانی طور پر 22 مئی کو اس سے بھی شدید زلزلے کا خدشہ ظاہر کیا گیا ہے۔
انہوں نے اس سے پہلے مریخ اور زحل سیاروں کی حرکت کا حوالہ دیتے ہوئے ریختر سکیل پر 8 درجے شدت کے زلزلے کی پیش گوئی کی تھی۔
انہوں نے آنے والے مہینوں میں زلزلے کی شدت میں اضافے اور اگست میں سب سے زیادہ شدید زلزلے کا امکان بھی ظاہر کیا ہے۔