پاکستان کرکٹ ٹیم کے پیسرعباس آفریدی انجری کا شکار ہو کر نیوزی لینڈ کےخلاف تیسرے ٹی 20 سے باہر ہوگئے۔
پاکستان کرکٹ بورڈ (پی سی بی) نے انجری کے باعث نیوزی لینڈ کے خلاف تیسرے ٹی ٹوئنٹی میچ سے عباس آفریدی کے باہر ہوجانے کا بتاتے ہوئے کہا ہے کہ ان کے پیٹ کے نچلے پٹھوں میں کھنچاؤ ہے۔
پی سی بی کے مطابق اسکین میں انجری کے کوئی آثار نظر نہیں آئے، عباس آفریدی کا علاج علامات کے مطابق کیا جائے گا۔
نیوزی لینڈ کے خلاف آخری دو میچوں میں عباس آفریدی کی دستیابی بعد میں کنفرم کی جائے گی۔
بالرنے ٹی 20 سیریز میں اب تک 5 وکٹیں حاصل کی ہیں جن میں پہلے میچ میں 34 رنز دے کر 3 وکٹیں اور دوسرے میچ میں 43 رنز دے کر 2 وکٹیں شامل ہیں۔
پاکستان پہلے ہی سیریز میں شاداب خان کے بغیر کھیل رہا ہے جو ٹخنے کی انجری کی وجہ سے باہر ہوگئے تھے۔
دوسری جانب نیوزی لینڈ کے کپتان کین ولیمسن بھی ٹانگ کی انجری کی وجہ سے ٹیم سے باہر ہیں۔
