سی پیک اور ثقافتی ورثے کو اجاگر کرنے کے لیے بلوچستان کے شہر گوادر اور مکران میں بزنس اور کلچرل گالا کا انعقاد کیا گیا۔
جامعہ گوادر میں سول انتظامیہ اور پاک فوج کی معاونت سے دو روزہ بزنس اینڈ کلچرل گالا کا افتتاح کیا گیا۔
تقریب کا مقصد سی پیک، خطے کی کاروباری صلاحیتوں اور ثقافتی ورثے کو اجاگر کرنا ہے جس سے تعلیمی، کاروبار اور مقامی کمیونٹی کے درمیان مشغولیت کے لیے ایک پلیٹ فارم تیار کیا جائے۔
یہ گالا گوادر کی متحرک ثقافتی شناخت کو اجاگر کرتے ہوئے طلباء کو مستقبل کے رہنما کے طور پر تیار کرنے کے وژن کے مطابق ہے۔
تقریب میں اعلیٰ سول و عسکری حکام یونیورسٹی آف گوادر کے فیکلٹی ممبران اور انتظامیہ سمیت لوگوں کی کثیر تعداد نے شرکت کی۔
بزنس اینڈ کلچرل گالا میں یونیورسٹی کے علاوہ مختلف تعلیمی اداروں کے طالبات نے مختلف قسم کے اسٹال لگائے، جس میں بزنس ایگزیبیشنز اسٹوڈنٹ کی زیر قیادت اسٹارٹ اَپس اور جدید مصنوعات اور خدمات کی نمائش کرنے والے مقامی کاروبار کی عکاسی ہے۔
ثقافتی نمائش میں روایتی بلوچی موسیقی، رقص اور دستکاری خطے کے ورثے کو اجاگر کرنے اور کاروباری اور ثقافتی تحفظ پر پینل مباحثے شامل ہیں۔
مکران کی روایات کے مطابق کتاب میلے کے پہلے ہی روز بلوچستان اور مکران کی سب سے بڑی نمائش منعقد ہوئی۔
